Compendium diplomaticum sive tabularum veterum

L.+S.
maioris De mandato P.S.A.R.
Fr. Io. Chrysostomus de Avolano
Definitor et Pro-secretarius provincialis.
1156. Anno 1805 die 27 martii sequentes literas ex authentico describere licet, ne pereant,
praesertim, quia monasterium suppressum fuit anno 1784 ab episcopo tridentino Petro Vigilio.
Fr. Franciscus a Vicentia ex Minoribus de Observantia almae s. Antonii Provinciae
Minister, et servus, reverendae Matri sorori Aelisabethae Ghelfae in sacro monasterio
sanctissimae Trinitatis Tridenti Domino Iesu famulanti salutem in Domino perennem optat.
Cum egregiis, insignibusque tuis virtutibus, et in rebus gerendis dexteritate, RR. Sorores tui
monasterii percitae, hodie vivifico afflante Spiritu, capitulariter congregatae, me, aliisque
Patribus praesentibus, hilari concorditer, canoniceque in suam Abbatissam, et spiritualem
Matrem elegerint; ego quoque, tua religiosa conversatione fretus, auctoritate, qua fungor, ipsam
electionem harum serie, ut rite, canoniceque factam, approbo, et cum Iesu Christi benedictione
confirmo. Accipe igitur cum sanctae obedientiae meritis ipsius Christi onus leve, et suavi iugo
collum submitte, ut veluti serva fidelis, lucrata offerens talenta, in Domini gaudia intrare valeas.
Ut autem hoc officium facile exercere possis, omnibus sororibus tuae fidei creditis, in Spiritus
Sancti virtute praecipio, ut tibi in omnibus, quae animae, et Regulae ipsarum non sunt contraria,
fideliter obediant, et obsequantur. Deusque tuis optatis respondeat. Valetudini stude, nostri in
tuis orationibus memor. Datum Tridenti, apud sanctum Bernardinum die XII augusti
M.D.LXXXXVI.
L.+S. Fr. Franciscus qui supra manu propria.
Nota. Sigillum ovatum exhibet effigiem beatae Mariae Virginis cum puero Iesu: ac
effigiem S.P.N. Francisci stigmata recipientis, cum inscriptione in orbe: Sig. Ministri Pro.
Sancti. Antonii. Or. Min. Reg. Obser. Praefata Mater Elisabetha de Tridento fuit abbatissa ab
anno 1587 usque ad annum 1590, et ab hoc anno 1590 usque ad an. 1593 Vicaria, et ab an. 1596
usque ad an. 1599 abbatissa. Velum accepit anno 1542, obiitque die ultimo februarii anno 1604.
Fuit soror Matris Benedictae Gelfae ibidem monialis a die 25 martii 1538 cum dote florenorum
centum, quae decessit die tertia octobris anno 1598.
1157. Anno isto 1805 die 28 martii placet mihi describere sequentia, quae servantur in
archivo provinciali Tridenti, capsula de Novitiis 143 .
Die 23 novembris 1731.
Iosephus Andreas filius domini Benedicti filii domini Dominici Toazzi dicti de Portolgal
baptizatus fuit ab admodum rev.do domino Aldrigeto Toazzi de meo mandato parochiali. Cuius
mater est domina Lucia legitima uxor praedicti domini Benedicti. Patrini fuerunt nobilis, et
admodum rev.dus Nicolaus Volani, et domina Catharina uxor domini Stephani Petri incola
Roboreti, soror puerperae, orta Martinata Avolani.
Supradictam partitam de libro baptizatorum huius parochiae Avolani fideliter de verbo ad
verbum descriptam fuisse, infrascriptus testor etc.
Datum ex aedibus canonicalibus Auolani die 25 aprilis 1749.
L.+S. Pr. Laurentius Sighele ibidem cappellanus.
1158. Anno, ac die suprascriptis descripsi 144 .
A chiunque etc. Fcacio fede io sottoscritto, che il sig. Gioseppe Andrea Toazzi nato dal sig.
Benedetto figlio del sig. Domenico Toazzi, e dalla sig. Lucia Margarita nata Martinatti di
Volano, sia stato cresimato li 8 giugno dell'anno 1740 nella cattedrale di Trento, da sua altezza
rev.ma monsignor Domenico Antonio di detta chiesa vescovo, e del S.R.I. prencipe, dei conti di
Thunn, marchese di Castellaro etc.
143 *Data di nascita del P. Giangrisostomo Tovazzi!
144 *Attestato della Cresima del P. Giangrisostomo Tovazzi
142