Compendium diplomaticum sive tabularum veterum

loco iuramenti attributis, tam occasione possessus, et tenutae ipsius nemoris, quam etiam fundi,
et terminandi, ac terminos fingendi (sic), et alia faciendi rogata manu mei notarii infrascripti sub
anno praesenti, decimonono mensis aprilis, loco, et testibus quibus in eo visa petitione dicti
Stephani actoris nominibus, quibus supra dicentis, et petentis revocationem dictae avocationis,
et instantis de dictis nominibus reponi in sua pristina et pacifica possessione dicti nemoris, et
inhibi debere vicinis Madrani, ne ipsos Stephanum, et consortes turbent, vel inquietent in dicto
nemore, quum ipsi Stephanus, eius fratres, et litis consortes, seu et antecessores sui fuerint et
sint a decem, viginti, triginta, quadraginta, quinquaginta, et centum annis proxime praeteritis, et
ultra, et citra, in pacifica et quieta possessione, et tenuta dicti nemoris loco dicto in Pezollo,
infra sua confinia: videlicet a mane cohaerent ipsi agentes, a meridie via communis, a sero etiam
via communis, seu consortalis, a septentrione Leonardus quondam Iuliani de Miola Montis
Pinedi, et forte etc. causis, et rationibus, de quibus in ipsa peticione. Visa desuper responsione
facta per homines, et vicinos Madrani, seu eorum procuratores, et sindico sufficientes
suprascriptos, similiter petentes se reponi in possessione dicti nemoris, et allegantes dictum
nemus fuisse et esse in pertinentiis, et Regula Madrani, et non illorum a manso Busi. Visis
replicationibus, duplicationibus, triplicis, et exceptionibus hinc inde productis in utramque
partem, ac etiam instrumentis, et scripturis ipsarum partium. Visis etiam capitulis, et
interrogatoriis ipsarum ambarum partium, et intellectis depositionibus testium desuper ad
instantiam praedictarum partium examinatorum, et viso dicto nemore ad oculum, ad quod
accessimus primo ad instantiam, et requisitionem vicinorum de Madrano, et postmodum pro
terminatione, et designatione infrascriptis fiendis. Visis videndis, et auditis audiendis, ac
interrogatis partibus ipsis, an ulterius quicquam dicere, allegare, et ostendere voluerint, quae
responderunt nil aliud dicere velle. Habita desuper matura consideratione, et participato
colloquio cum ser Iohanne filio quondam ser Ieorgii Crivelli de Tesino Regulano maiori burgi
Perzini, ac ser Bernardino quondam Antonii Bruti, et Cristano Lehener, eiusdem burgi, iuratis
dicti burgi, assumptis pro terminis infrascriptis fingendis (sic), de consensu ipsarum partium,
pro bono pacis, ac concordio partium praedictarum, sequentes et sequi volentes in praedictis, et
circa praedicta viam amicabilis compositionis, et concordiae iuxta tenorem dicti compromissi,
sedentes in hoc loco pro tribunali, quem ad hanc nostram arbitrametalem sententiam
proferendam pro idoneo elegimus. Cristi nomine repetito, a quo cuncta, et recta iudicia
procedunt, tales inter dictas partes proferimus sententiam, terminationem, et designationem,
videlicet quia in primis, et ante omnia volumus, ac mandamus, quod ipsae partes remittant, et
remittere debeant ad invicem omnes iniurias, rixas, et offensas praemissarum occasione
quomodocumque, et similitercumque ad invicem factas, et illatas. Et quod de coetero sint, et
esse debeant boni amici, et vicini, et ad invicem inservire, ut decet inter bonos, et veros vicinos,
et amicos. Item dictum montem, et nemus Pizol per infrascriptos terminos fixos, et notatos ut
infra, terminamus, designamus, et facimus, videlicet incipiendo a via communi, vocata la via de
la Saltaria, versus mane, et sequendo dictam viam Saltariae usque ad quamdam viam
consortalem versus meridiem, et ipsam viam consortalem sequendo versus sero, et versus
vinealia Leonardi quondam Dominici Iuliani, et aliorum de Monte Pinedi usque ad certum
Dossium (sic), ubi fiximus, sive figi fecimus primum terminum lapideum supra dictam viam
consortalem, et per duos passus distantem a dicta via consortali, et a dicto primo termino per
parvum iactum lapidis sequendo versus sero super quodam collisello fiximus secundum
terminum lapideum, qui respicit, et designat versus sero, ad certum alium tertium terminum
lapideum, in quo sculpi fecimus unam Crucem integram hoc modo † distantem tamen a secundo
termino per unum bonum iactum lapidis, et ab illo tertio termino recte respiciendo semper
versus sero, et vinealia illorum de Pinedo, ascendendo tamen aliquantulum supra, versus
quoddam Saxium, seu scopulum per alium iactum lapidis distantem a tertio termino, vel circa, et
usque ad confinia vinealium dicti Stephani quondam Iacobi a Manso Busi, et fratrum, ac
Leonardi quondam Dominici Iuliani de Miola Montis Pinedi, ubi super quodam collisello apud
quoddam scopulum fiximus quartum, et ultimum terminum magnum lapideum supet quo
termino sculpi fecimus mediam Crucem hoc modo ├ et similem mediam Crucem in saxio (sic),
et scopulo proprio sculpi fecimus, quae media Crux designat, et respicit versus mane, et alios
138