Compendium diplomaticum sive tabularum veterum
Compendium diplomaticum sive tabularum veterum
Compendium diplomaticum sive tabularum veterum
Create successful ePaper yourself
Turn your PDF publications into a flip-book with our unique Google optimized e-Paper software.
1115. Anno 1804 scripsi pariter: Nos Simon etc. ut supra num. 1110 hoc mense maii etc.<br />
Fratrem Candidum a Ragulis Diaconum etc. Datum Tridenti hac die 18 maii 1804.<br />
I. A. de Menghin Provicarius generalis capitularis<br />
P. I. Cloch cancellarius.<br />
NB. In dimissorialibus P. Provincialis scripsi: ad Excell.mum et Rev.mum D.D. Episcopum<br />
Feltrensem, vel alium quemcumque.<br />
1116. Anno isto 1804, die 20 maii a P. Michaele Angelo de Laurentiis roboretano, huiusce<br />
conventus s. Bernardini apud Tridentum Guardiano, accepi literas patentes typis editas, et<br />
partim manu scriptas tenoris sequentis.<br />
Nos Fr. Thomas Franciscus Roncalli de Verona Ordinis Praedicatorum sacrae theologiae<br />
magister, in civitatibus, et dioecesibus Arimini, Pisauri, Fani, Montis Feretri, ac Ravignana, et<br />
locis annexis, inquisitor generalis a s. Sede apostolica contra haereticam pravitatem specialiter<br />
delegatus. Sacrae Inquisitionis munus nobis a sancta Sede apostolica demandatum exposcit, ut<br />
fides sacrosancta pura, immaculata, et integra conservetur, et in hoc peculiari, ac dilecto Iesu<br />
Christi agro errorum, et haeresum zizania, quantum fieri potest, e medio tollatur, et prorsus<br />
eradicetur; cumque in huiusmodi tam sancto munere pluribus vigilantibus ac Religionis zelo<br />
repletis indigeamus ministris, Vicariis nempe, consultoribus, fiscalibus, advocatis,<br />
procuratoribus, cancellariis, familiaribus, mandatariis, et exequutoribus, aliisque similibus qui<br />
iuxta negotiorum, et causarum exigentiam una nobiscum consilio, scientia, prudentia, opere, et<br />
auxilio sedulo laborent, quapropter Te Admodum Reverendum Patrem Fratrem Michaelem<br />
Angelum de Roveredo sac... Ordinis Minorum s. Francisci de Observantia, de cuius scientia,<br />
probitate, pietate, et catholicae fidei zelo multum in Domino confidimus, iuratum de secreto, ac<br />
fidelitate s. Officio in perpetuum servanda, nec non de obedientia nobis, successoribusque<br />
nostris in rebus s. Officii praestanda, authoritate apostolica, et harum nostrarum litterarum<br />
tenore facimus, eligimus, et instituimus in Consultorem theologum nostrae Vicariae S. O.<br />
civitatis Pisauri, sicque factum, electum, institutum decernimus, et declaramus, cum omnibus<br />
gratiis, favoribus, exemptionibus, indulgentiis, et privilegiis, quibus huius modi S. Officii<br />
athletae ex sacris canonibus, pontificiis Bullis, Constitutionibus, et decretis apostolicis<br />
potiuntur, et gaudent; signanter vero deferendi arma tam offensiva, quam defensiva ad tui, et<br />
Sancti Officii defensionem, exceptis armis prohibitis in Bulla Sancti Pii V, Cum vices eius,<br />
pridie idibus februarii 1571, Alexandti VIII, Et in cuncta, idibus augusti an. 1690, et Clementis<br />
XII Kal. februarii am 1734 In supremo iustitiae solio, iuxta decreta s. Congregationis Sancti<br />
Officii de Urbe emanata diebus 28 mai 1704, et 8 aprilis 1748 sub poenis in eodem decreto<br />
statutis. Inhibentes cuicumque sub poenis et censuris in Bullis summorum Pontificum contentis,<br />
ne in executione tui officii, ad quod assumptus es, te impedire, aut offendere audeat. In quorum<br />
fidem his nostri officii sigillo munitis, manu propria apposuimus. Datum ex aedibus s. Officii<br />
Arimini die 24 mensis augusti anno a Deiparae partu 1795.<br />
Ita est Fr. Thomas Franciscus Roncalli inquisitor generalis ut supra manu propria.<br />
L.+S. Regist. fol. 185 Romae et Arimini.<br />
Aloysius Franchini Sac. S. Cancell. S. O. Arimini.<br />
Nota. Sigillum habet hanc inscriptionem: Sanctum. Officium. Arimini: exhibetque crucem.<br />
In fronte ante nomen inquisitoris est imago s. Petri martyris barbata: ensem in capite habens,<br />
crucem in manu laeva, et Credo in dextera.<br />
1117. Anno isto 1804, die mercurii 20 iunii Tridenti a R. D. presbytero Bartholomaeo Ioris<br />
petrimediensi per epistolam accepi describendam membranulam sequentis tenoris, videlicet 123 :<br />
Nos Heinricus Dei gratia Bohemiae, et Poloniae rex, Karinthiae dux, Tyrolis, et Goritiae<br />
comes, aquilegensis, tridentinensis, et brixinensis ecclesiarum advocatus. Tenore praesentium<br />
recongnoscimus (sic) profitentes, quod inspectis, et consideratis fidelibus obsequiis, quae fidelis<br />
noster Volchmarus de Purchstal Purchgravius Tyrolis, nobis hactenus multipliciter exhibuit, et<br />
123 1334.<br />
127
Change language