Compendium diplomaticum sive tabularum veterum

Fr. Iosephus Antonius a Clesio Ordinis Minorum Sancti Francisci Reformatorum
Provinciae tridentinae Sancti Vigilii Minister, et servus. Universis, et singulis praesentes literas
inspecturis, notum facimus, ac testamur, dilectum in Christo Fratrem Aloysium a Clesio,
eiusdem Instituti, et Provinciae alumnum, natum die nona martii anno 1781 Diaconum a die
quarta septembris huius anni 1803, dispensatumque a sanctissimo domino nostro Pio papa
septimo die 22 martii currentis anni super defectu quindecim mensium aetatis canonicae pro
presbyteratu, pluries in dicto Diaconatus Ordine ministrasse, ac novissime per octiduum
spiritualibus exercitiis vacasse. In quorum fidem etc. Datum Tridenti in conventu s. Bernardini
die 30 novembris A. D. 1803 121 .
Fr. Iosephus Antonius a Clesio
Minister Provincialis
L.+S. De mandato P.S.A.R.
F. Gasparus a Campo secretarius Provincialis.
1112. Anno 1468, praesentibus providis, et discretis viris magistro Heberardo Tisler
quondam Henrici de Forchen de Norimberg, Georgio Strobele laboratore quondam Rigi de
Forchinhen de Alemania ambobus civibus, et habitatoribus Tridenti. Ser Antonio quondam ser
Ianesi de Sancto Laurentio vallis Annaniae diocesis tridentinae, et nobili iuvene filio nobilis viri
ser Antonii de Molario dictae vallis Annaniae. Providus, et discretus vir ser Michael a Rosa
civis, et habitator Tridenti, sindicus et massarius Frataliae laboratorum Sancti Petri de Tridento.
Una petia terrae clausurivae unius plodii sita in pertinentiis Tridenti, in loco ubid dicitur in
Bolgaro ultra monasterium Sancti Bernardini, apud Christophorum Forestum. Sigismundus
Seracenus (sic) filius quondam magistri Michaelis Piliparii de Alemania civis et habitator
Tridenti, haeres testamentarius quondam ser Melchioris Seraceni de Tridento.
1113. Anno isto 1804. Ill.mus dominus Ambrosius Schreckius patricius tridentinus,
olimque consiliarius episcopatus, seu principatus Tridenti descripsit instrumentum rogatum
Tridenti anno 1451, die 28 aprilis a notario Iesamanto quondam magistri Antonii notarii de
Pegolotis de Archo cive, ac habitatore Tridenti, continensque emptionem unius affictus de uno
manso posito in Montagna de supra Tridentum ubi dicitur a la Tavernara, factam a provido viro
Iorio Bonderle cremario quondam Federici de Norlin cive, et habitatore Tridenti, ipsum
vendente provido viro Luchino de Gregnano cive, et habitatore Tridenti.
Ego autem rogatus eidem addidi:
L.+S. Ego Fr. Ioannes Chrysostomus de Avolano Ordinis Minorum Reformatorum s.
Francisci, fidem facio, ac testor, hoc instrumentum reperiri in quodam codice saeculi XV
servato in Archivo venerabilis Confraternitatis Alemanae Zappatorum Sancti Petri Tridenti
nuncupatae, inscriptoque: Libro degli stronmenti antichi della Confraternita Alemanna, fol. 24,
et seq. esemplatumque istud facta dilgenti collatione, cum eodem in omnibus, et singulis
concordare. Ita manu propria, meoque consueto sigillo apposito testor in conventu s. Bernardini
apud Tridentum hac die 3 maii 1804 122 .
1114. Anno 1804 scripsi: Fr. Iosephus etc. ut. num. 1111, Fratrem Candidum a Ragulis,
natum die 27 novembris 1779, et Diaconum a die 11 septembris 1803, pluries in dicto
Diaconatus Ordine ministrasse, ac per octiduum novissime spiritualibus exercitiis vacasse. In
quorum fidem etc. Datum Tridenti in conventu s. Bernardini die 6 maii 1804.
Fr. Ioseph Antonius etc.
De mandato etc. F. Gasparus etc.
121 Ordinatus fuit sacerdos Brixinae die dominico II decembris 1803 ab episcopo brixinensi Carolo
Lodronio, cantavitque primam Missam ibi in ecclesia monialium nostrarum die 12 lunae.
122 Exhibendum est Rev.mo Capitulo Tridenti.
126