Compendium diplomaticum sive tabularum veterum

placuerit perpetuo faciendum, cum omnibus, et singulis, quae intra praedictos continentur
confines etc. Accesibus, et egressibus suis usque in viam publicam, et communem, et cum
omnibus etc. Et hoc nominatim pretio rhenensium septuaginta quatuor bonae monetae de
Marano, quos quidem rhenenses dictus Christophorus emptor, nominibus quibus etc. agens,
dedit, solvit... ut infra, videlicet primo rhenenses 24 pro uno prato dictis iugalibus venditoribus
restituto, posito super monte Bondoni, in loco dicto in Dovera infra suos confines. Item
rhenenses triginta pro quibus ipse emptor nominibus quibus supra, promisit nomine et vice
dictorum iugalium venditorum solvere unum affictum perpetuum stariorum quinque frumenti
annuatim suis debitis temporibus haeredibus quondam domini Aliprandi de Marinis
cognominati Cimae de Tridento, cum pactis, conditionibus, et obligationibus, de quibus in suo
instrumento. Item rhenenses duodecim pro uno affictu, sive capitali eius stariorum duorum
frumenti, ad quem affictum ipsi iugales tenebantur, et obligati erant ante praesentem
venditionem praedicto emptori ut supra agenti, a quo affictu, et affictibus incursis penitus
liberavit in forma. Item rhenenses octo pro... solutione dicti iugales contenti, et confessi fuerunt
se habuisse, et effectualiter recepisse in tot pecuniis exbursatis. Exceptioni non factae dictae
venditionis, non se constituisse debitorem ut supra, et non receptae dictae qualitatis pecuniae
prout supra, et exceptioni doli etc. Quam rem venditam dicti iugales venditores se nomine, et
vice dicti emptoris nominibus, quibus supra agentis, et pro eo constituerunt se tenere, et
possidere donec etc. de iure etc. Promittentesque de evictione, et legitima deffensione a
quocumque in iudicio, vel extra, secundum formam iuris; nec non de rato, et ratihabitione
omnium, et singulorum etc. sub poena dupli pretii praedicti, et reffectionis omnium damnorum
etc. Quae domina Magdalena ad maius robur omnium, et singulorum, praemisso tactu manuali
sacrarum Scripturarum iuravit ad Sancta Dei Evangelia se praemissa omnia, et singula perpetuo
observaturam sub poena praemissa, et periurii, et quae dictus magister Andreas eius maritus ad
eius cautionem assecuravit super una petia terrae arativa, et vineata, et prativa in loco dicto al
Campo delle Ave infra suos confines. Volens etc.
L.+S. Ego Ioannes filius quondam domini Philippi de Iordanis 114 de Burgo Vezzani
publicus imperiali, et apostolica authoritate notarius Tridenti, praemissis omnibus, et singulis
dum sic fierent, et agerentur, una cum praedictis testibus praesens fui, ac rogatus scripsi, legi, et
publicavi, me subscripsi cum solito meo signo. Laus Deo Optimo maximo.
Nota. Huius exemplum dedi paternionensibus, sed tantum usque ad dedit solvit, ubi feci
etc. etc. etc. et subdidi L.+S. Ego Ioannes etc. omnia etc. Dedi paternionensibus die 27 maii
1803.
1101. Anno 1803, Pius VII Papa sub datum Romae die 22 martii dispensavit sex Fratres
nostros, ut possint promoveri ad presbyteratum quindecim mensibus rotundis ante aetatem a
tridentino Concilio requisitam, formula eadem, qua supra num. 1090, alios duos dispensavit.
Subscripsit pariter pro domino cardinali Braschio de Honestis G. Bernius substitutus. Etsi in
libello supplici, quem retuli To. 6 epist. 2555 omnes simul exhibiti fuerunt, sex Brevia
conscripta fuerunt, pro quibus decem scuta romana petita sunt, et pro posta librae quinque. In
dictis Brevibus nomine Fratrum expressa sunt ut in meo libello supplici italico, ut pariter in mea
formula epistolae datae num. 1096.
1102. Anno 1803 die 27 maii exhibui 115 cancellariae tridentinae formulam sequentem:
Nos Simon etc. Universis, et singulis, quibus expedit, fidem facimus, atque testamur, in
proxime futuris Quatuor anni Temporibus aestivis, ac mense iunio, nullas habendas esse
Tridenti clericorum Ordinationes. Insuper testamur venerabiles Fratres Petrum Alcantarensem a
Meano subdiaconum, Franciscum Xaverium a Thenna, et Albertum a Civizano, Ordinis
Minorum Reformatorum Sancti Francisci huius tridentinae dioecesis, examinatos, et approbatos
114 In signo sunt lit. duae I I
115 *Il P. Tovazzi era litterarius Provinciae s. Vigilii, cioè scrittore delle lettere ufficiali del P.
Provinciale. Spesso preparava la formula anche per la Curia trentina pro minori incommodo...
122