Compendium diplomaticum sive tabularum veterum

et promotus in illo etiam in altaris ministerio ministrare libere, et licite possis, ac valeas,
auctoritate apostolica tenore praesentium dispensamus. Non obstantibus Constitutionibus et
Ordinationibus apostolicis, caeterisque contrariis quibuscumque. Datum Romae apud Sanctam
Mariam maiorem, sub annulo piscatoris die XVII septembris MDCCCII pontificatus nostri anno
tertio.
L.+S. Pro domino cardinali Braschio de Honestis
G. Bernius substitutus
Extra. Dilecto filio Archangelo Mariae de Tassullo Fratrum Ordinis Minorum s. Francisci
de Observantia Reformatorum nuncupatorum professori.
L.+S.
Nota. Eadem prorsus habet aliud Breve, excepto nomine Fratris, qui dicitur Pio de Moena,
et infra quindecim menses, et dies decem tantum. Pro unoquoque solvendum tria scuta, seu
triginta Librae venetae amico romano, de quo To. 6 epist. 2284 solutae sunt Librae 35 ratione
monetae. Secundum solvit gratis Pompeatus.
1091. Anno isto 1802, die 27 octobris episcopali cancellariae tridentinae exhibui sequentes
literas, ut eius incommodum aliquanliter levarem, et earum exemplum petii, prout feci etiam die
10 septembris 1802 pro duobus aliis Fratribus 109 .
Nos Simon etc. Universis, et singulis, quibus expedit, fidem facimus, atque testamur, in
proximo futuro mense novembri nullas habendas esse Tridenti clericorum Ordinationes. Insuper
testamur venerabilem Fratrem Ioannem Pium a Mohena diaconum Ordinis Minorum
Reformatorum Sancti Francisci huius tridentinae dioecesis pro presbyteratus Ordine suscipiendo
examinatum, et approbatum fuisse. In quorum fidem etc. Datum Tridenti die 28 octobris 1802.
Petrus Iosephus Cloch delegatus
L.+S. P. Ioseph Gretter actuarius episcopalis etc.
1092. Anno 1803, die undecimo augusti Romae Papa Pius septimus dedit sequentes literas:
Pius eiscopus servus servorum Dei, venerabilibus Fratribus feltrensi, et bellunensi
respective episcopis, salutem, et apostolicam benedictionem. Cum nos hodie electionem de
persona venerabilis fratris nostri Emanuelis Mariae ex comitibus de Thunn nuper episcopi
iassensis 110 , in episcopum tridentinum, ecclesia ipsa tridentina Sedi apostolicae immediate
subiecta 111 , certo tunc exp...do pastoris solatio destituta, per dilectos filios Capitulum et
canonicos ecclesiae tridentinae, ad quos electio personae idoneae per romanum Pontificem pro
tempore existentem eidem ecclesiae tridentinae dum pro tempore vacat, in episcopum
praeficiendae, iuxta concordata dudum inter Sedem apostolicam ex una, et inclytam nationem
germanicam ex altera partibus inita, spectare, et pertinere dignoscitur, canonice celebratam,
iuxta decretum Congregationis rebus cosistorialibus praepositae, apostolica auctoritate
approbaverimus, et confirmaverimus, ipsumque Emanuelem Mariam episcopum electum a
vinculo ipsius ecclesiae iassensis, quae in partibus infidelium consistit, cui tunc praeerat,
tenebatur, de venerabilium Fratrum nostrorum sanctae romanae Ecclesiae cardinalium consilio,
et apostolicae potestatis plenitudine absolvente, illum ad ecclesiam tridentinam praedictam de
simili consilio apostolica auctoritate praedictam transtulerimus, ipsumque illi in episcopum
praefecerimus, et pastorem, curam, regimen, et administrationem ipsius ecclesiae tridentinae ei
in spiritualibus, et temporalibus plenarie committendo, prout in nostris inde conscriptis literis
plenius continetur. Volentes, ut antequam in regimine, et administratione dictae ecclesiae
109 Absentibus Vicario et Provicario causa vacationum subscripsit delegatus Cloch alias cancellarius
episcopalis. Vicarius est Vezani et Provicarius Arsii.
110 Iossus.
111 NB. Ecclesia tridentina extincto sub Benedicto XIV patriarchatu aquileiensie, alterius in se
archiepiscopi ius non agnoscit; nexum tamen cum Germaniae ecclesiis pristinum conservat. Ita Ios.
Ioannes Nepomucenus Pehem in Univ. vindobonensi professor, parte 3, iuris ecclesiasrtici edit. viennen.
1789, § 31, pag. 29.
117