Compendium diplomaticum sive tabularum veterum

1082. Anno 1802, die quinta maii Gubernium Superioris Austriae agens Oeniponti,
praesidente Ferdinando Ernesto comite de Bissingen, concessit liberum transitum nobis rerum
sequentium 103 : Lana nera centenari 8, olio centenari 30, riso 20, stoffisso 20, salamone 4,
sardelle 9, aringhe ed anguillotti 6, zucchero non fino 6, uva passa e zebibbo 3, mandole,
pignuoli e fichi 2, candele di cera 9, sapone 2, pepe libbre 50, cannella, e garofani libbre 6,
incenso e storace libbre 40, bambagio filato libbre 30, teriaca libbre 12. Ostendendum est
theloneariis Grigni, et Ripae.
1083. Anno isto 1802, die iovis 3 iunii petii, et obtinui sequentes literas episcopo brixinensi
exhibendas:
Nos Simon Albanus Zambaiti de Vezzanburg, huius ecclesiae cathedralis canonicus, et in
spiritualibus Vicarius generalis capitularis Tridenti etc. Universis, et singulis, quibus expedit,
fidem facimus, atque testamur, proxime futuris 4 anni temporibus aestivis nullas habendas esse
Tridenti clericorum Ordinationes. Insuper testamur venerabiles FF. Benedictum a s. Lucano,
atque Ioannem Baptistam a Bedullo Ordinis Reformatorum s. Francisci huius tridentinae
dioecesis pro presbyteratus Ordine suscipiendo examinatos, et approbatos fuisse. In quorum etc.
Datum Tridenti die 3 iunii 1802.
I.A. de Menghin provicarius generalis capitularis 104 .
Petrus Ioseph Cloch cancellarius etc.
L.+S. ovati.
1084. Anno isto 1802, die XI iunii nostro libello supplici To. 6 epist. 2272 descripto, idem
Vicarius Zambaitius sequentes suas literas adiicere dignatus est: Nos Simon Albanus Zambaiti
de Vezzanburg huius ecclesiae cathedralis canonicus, et in spiritualibus Vicarius generalis
capitularis Tridenti etc. Universis, et singulis, quibus expedit, fidem facimus, atque testamur,
venerabilem Fratres Ioannem Pium de Moena, et Archangelum Mariam de Thassullo, quorum
primus natus est 15 februarii 1780, alter vero 9 aprilis eiusdem anni 1780, esse diaconos Ordinis
Reformatorum s. Francisci huius Provinciae s. Vigilii. Cumque cupiant indulto super aetate
clementissime donari: Nos, attenta magna sacerdotum inopia, qua dicta Provincia alias
religiosissima, et de hac dioecesi plurimum benemerita ita premitur, ut variis, pluribusque
oneribus pro spirituali populorum salute sustinendis, satisfacere nequeat, praedictos diaconos, ut
petitam obtineant gratiam, omnibus, ad quos etc. enixe in Domino commendamus. In quorum
etc.
Datum Tridenti die 11 iunii 1802.
I.A. de Menghin provicarius generalis capitularis 105
L.+S. ovati Petrus Ioseph Cloch cancellarius.
1085. Anno 1802, die 26 iulii a clerico Iacobo Benino de Gavatio, misso a decanis Gavatii,
et Coloniae rogatus, instrumento descripto supra num. 1080 adieci hanc subscriptionem: Ego
Frater Ioannes Chrysostomus de Avolano, servus Iesu Christi, ac Seraphici Ordinis Minorum
Sancti Francisci strictioris Observantiae professor, authenticum huiusce instrumenti, manu
praedicti Benevenuti notarii scriptum vidi, et rogatus fideliter descripsi, ac sigillo meo solito
communivi, in conventu Sancti Bernardini apud Tridentum die mercurii 26 maii anno Domini
1802 indictione quinta.
L.+S.
1086. Anno 1802, die 16 iulii prodierunt literae sequentis tenoris: Nos Simon Albanus
Zambaiti de Vezzanburg, huius ecclesiae cathedralis canoncius, et in spiritualibus Vicariu
103 Vide To. 7 epist. 2859.
104 Etsi fuerit praesens Vicarius.
105 Etsi fuerit praesens Vicarius.
113