Royal Society Miscellaneous Manuscript 6/5: Alchemical notes in ...

sulphuris albi vel rubei, modo pura sit & ab omni sorditie vindicata. Si enim adsint sordes
& maculæ ita ut his coinquinetur fæmellæ uterus concipere non potest. V -- -- Vt ergo
perquam optime concipiat fæmella nostra quæ est aqua nostra mercurialis, hæc septies est
destillanda donec candorem omninò cœlestem acquisiverit 6 , sulphur etiam nostrum
sæpius est destillandum septies est sublimandum per se et sine fæcibus ullis donec etiam
nitorem habeat summum. Tunc temporis conjungendæ sunt hæ materiæ, aqua pura nostra
et sulphur nostru{m} una pars sulphuris summopere puri cum quatuor partibus aquæ
{catchword: nostræ} {2r} itidem purissimæ & vasi vitreo immittendæ & firmiter sigillo
chymico concludendæ & Vulcano levi & debili per menses novem committendæ. Per hoc
tempus coeunt et conjunguntur hæ materiæ & aqua nostra concipit virtututem sulphuris
nostri & signum primum conceptionis est nigredo hujusce materiæ & coagulatio quædam
aquæ nostræ per virtutem sulphuris nostri. Post conceptionem sequitur prægnatio quæ
nihil aliud est quam manifesta incrassatio & coagulatio aquæ nostræ. Dum enim aqua
nostra perfectè conjuncta est cum suo sulphure, sulphur vi ignis sui coagulat aquam &
aqua incrassescit & congelatur in substantiam crassam & pinguem picis liquatæ similem,
& hæc est prægnatio Morieni. Igitur in prægnatione nostra, aqua mercurialis nostra (quæ
est subtilior & aquosior pars terræ nostræ in forma aquæ limpidæ & candidæ ponderosæ
pinguis et glutinosæ & acetosæ qualitatis, unde acetum dicitur acerrimum) coagulatur &
condensatur in substantiam crassam pinguem glutinosam nigri coloris quæ magis et
magis agente calore tum interno tum externo crassescit & condensatur variantibus
coloribus nunc flavo nunc viridi nunc nigro subnigro & nigerrimo. quæ omnia variam
illam quam interius patitur materia nostra alterationem satis superq{ue} indicat atq{ue}
commonstrat. Sulphur nostrum agens in aquam sui similem vult eam sibi ipsi omnino
similem reddere et in suam ipsius substantia{m} convertere: quod tamen fieri non potest
subitò cum adsint qualitates quæ illud nolunt. Vnde vincendæ sunt et pedetentim perinde
alterandæ pedetentim levi externo calore adhibito, ut tandem qualitates illæ aquæ nostræ
quæ sulphuri contrariantur occultentur & petant centru{m} aquæ, & aliæ similes quæ
omninò occultæ erant fiant manifestæ et jungantur sulphuri nostro. Et tunc aqua notra
facta est verissimu{m} sulphur & verissimè imprægnata est ut ita loquar a sulphure
nostro. Et hoc fit dum materia nostra vasi nostro reclusa Leucophæo exornata est colore
et subaldido vestita indusio. Tunc verè imprægnata est mulier nostra et vivit fœtus si