epistolarum tam ab 10. cal vino quam ad eum - Archive ouverte UNIGE

633 1557 SBPTEMB. 634
tains et orgueilleux qu'ils soyent, et que par mespris
et desdain ils se mocquent de Dieu et de tous
«eux qui le serrent, si sont-ils contraincts d'avoir
«n admiration sa vertu et sa gloire partout où ils
la Yoyent reluire. Et daultant que le vaisseau par
lequel Dieu besongne sera debile, daultant serontils
estraints et enserrez en eux-mesmes de la vertu
de Dieu à laquelle ils ne peuvent résister.
Vous voyez que la vérité de Dieu, quelque part
quelle se trouve, leur est odieuse, et quelle nest
pas moins baye d'eux es hommes qu'es femmes, es
savans qu'es idiots, es riches qu'es poures, es grans
qu'es petits. Que sus prennent occasion du sexe
ou de la qualité extérieure, de nous courir sus davantage,
(comme nous voyons qu'ils se mocquent
des femmes et des poures gens meohaniques, comme
s'il ne leur appartenoit point de parler de Dieu, et
congnoistre leur salut!), sachons que tout cela est
en tesmoignage contre eux et à leur grande confusion.
Mais puisqu'il a pieu a Dieu de vous appeller
a soy aussi bien que les hommes, (car il n'a esgard
ne à masles ne à femelles), il est besoing que
faciez vostre debvoir pour luy donner gloire, selon
la mesure de grace qu'il vous a départie, aussy bien
que les plus grans personnages qu'il a douez de
haulte science et vertu. Puisque Iesus-ChriBt est
mort pour vous et par luy espérez salut, aiant esté
baptizees en son nom, il ne fault point estre lasches
a luy rendre l'honneur qui luy appartient. Puisque
nous avons un salut commun en luy, il est nécessaire
que tous d'un commun accord, tant hommes
que femmes, soutiennent sa querelle. Quand il
nous meet au combat et à lespreuve contre ses ennemys,
d'alléguer la-dessus nostre infirmité, pour
l'abandonner ou renier, il ne nous profite de rien,
sinon pour nous condamner de desloyauté. Car celuy
qui nous met en bataille, nous garnit et munit
quant et quant d'armes nécessaires, et nous donne
adresse pour en user. H ne reste que de les accepter
et nous laisser gouverner a luy. il a promis
de nous donner bouche et sagesse à laquelle
nos ennemys ne pourront résister. H a promis de
donner fermeté et constance à ceux qui se fient en
luy. Il a espandu de son esprit sur toute chair, et
faict prophetdzer fils et filles, comme il avoit prédit
par son prophète Ioel, qui est bien signe qu'il communique
semblablement ses autres graces nécessaires,
et qu'il ne destitue ne fils ne'filles, ne hommes
ne femmes, des dons propres à maintenir sa gloire.
Il ne fault donc estre paresseux à les luy demander,
ne lasches à les recevoir, et en user au besoin
quand il nous les a départis.
Considérez quelle a esté la vertu et constance
des femmes à la mort de nostre Seigneur Iesus-
Ohrist, et que lorsque les apostres lavoient délaissé,
elles ont persisté avec luy en merveilleuse constance,
et qu'une femme a esté la messagère pour annoncer
aux apostres sa resurrection, laquelle ils ne
pouvoyent croire ne comprendre. S'il les a lors
tant honorées et douées de telle vertu, estimez-vous
qu'il ait moins de pouvoir maintenant, et qu'il ait
changé de volonté? Combien y a il eu de mil-,
liers de femmes qui n'ont espargné leur sang ne
leur vie, pour maintenir le nom de Iesus-Christ et
annoncer son regne? Dieu n'a il point faict profiter
leur martyre? Leur foy n'a elle point obtenu
victoire du monde, aussy bien que celle des martyrs ?
Et sans aller plus loin, ne voyons-nous point encores
devant nos yeux comment Dieu besongne iournellement
par leur tesmoignage et confond ses ennemis,
tellement qui! n'y a predication de telle efficace
que la fermeté et perseveranoe qu'elles ont eu à confesser
le nom de Christ? Ne voyez-vous pas comme
ceste sentence de nostre Seigneur a esté vivement
enracinée en leurs coeurs, par laquelle il dit: Céluy
qui me renonce devant les hommes, ie le renoncerai/
devant Dieu mon Père; et celuy qui me confessera,
ie le confesseray aussi, et advoueray devant Dieu mon
père. Elles n'ont pas eu crainte de laisser ceste .
vie caduque pour en obtenir une meilleure pleine
de beatitude qui dure à iamais. Proposez-vous donc
ces exemples si excellens, tant anciens que nouveaux,
pour asseurer à vostre foiblesse, et vous reposer
en celuy qui a fait si grans ouvrages par des
vaisseaux fragiles, et congnoissez l'honneur qu'il vous
a fait, afin de vous laisser conduire à luy, estans
bien asseurees quil est puissant pour vous conserver
la vie, s'il s'en veut encores servir, ou bien s'il en
veut faire échange pour vous en donner une meilleure,
vous estes bienheureuses d'employer ceste vie
caduque pour sa gloire de si hault prix, et pour vivre
éternellement avec luy. Car à cela sommesnous
mis au monde, et illuminez par la grace de
Dieu, à ce que nous le glorifions et en nostre vie
et en nostre mort, et que nous soyons une fois pleinement
conioints à luy. Le Seigneur vous face la
grace de méditer attentivement ces choses et les
bien imprimer en vos coeurs, afin de vous conformer
du tout à sa bonne volonté. Ainsi soit il. De
Geneve. 2 )
2) Cette lettre a dû partir avec la précédente.