epistolarum tam ab 10. cal vino quam ad eum - Archive ouverte UNIGE

209 1556 IHN. * 210
ne sy fussent point opposez, ou bien fussent condescendus
en la fin a ce qui avoit este faict. Si on
eust exige deulx une confession que leslection estoit
deuement faicte, la contraincte neust elle pas este
trop dure? Quant a moy ie nay pas tousiours approuve
les eslections que iay receues, car ie ne suis
pas tenu destimer que chascun ait si bon conseil et
discretion a eslire quil seroit requis : parquoy il me
semble quon se doibt bien contenter de moy, si ie
maccorde a la plus grande voix. En cas semblable,
il eust este plus utile ce me semble dexhorter
ceulx qui vous ont molestez de se bien garder de
rompre lunion de lesglise ou se séparer davec le
corps, et aussi pource que vous en estes ministres,
de vous aider a vostre charge. Silz vous eussent
desadvouez, ilz se fussent du tout monstre rebelles
et schismaticques. Mais ilz protestent que sans
declairer quils approuvoient vostre election, ilz ont
este prestz et appareillez de se conformer avec le
reste, et ne point refuser rostre discipline. Quant
cela ne vous suffit, qui estce qui ne vous dira que
vous menez vostre cause pour le moins pour leur
donner occasion de vous en blasmer, et cela sera
facilement receu'de beaucoup. Voila pourquoy il eust
mieulx vallu ny point tant insister a ce qui concerne
voz personnes. Touchant de ce quilz se sont déposez
de leur office, encores quil ny ait eu de linfirmite
et du vice, il sera tousiours a condamner
quil y eust eu aussi de la mauvaise procedure. Si
estce que de les contraindre, beaucoup estimoroient
que cest extrémité, sur tout pource que desia il y
a eu quelques picques auparavant, on présumera
aisément que vous aiez cherche occasion de les fascher.
Or il nous fault estre prudentz a nous garder
de telles suspicions, encores quon ne iuge pas
que vous laiez faict de propos délibère. le ne scay
pas si nul trouvera bon sur telles excuses, vous les
aiez excommuniez. Quant a moy ie ny vouldrois
pas avoir consenty, ce que toutesfois ie vous escrips,
non pas pour mopposer a vostre sentence ou pour
la rescinder, mais damant que ie suis tenu a vous
en mander ce quil men semble selon que vous
men avez requis. Car ie ne vouldrois point usurper
sur la charge daultruy, et scay bien quel danger
ü y a qmine esglise entreprengne dabsouldre ceulx
qui avoient este condamnez par une aultre. Seulement
ie vous advertis de ce quon pourra estimer
de vous, affin de tenir telle mesure quun nouveau
feu ne sallume point, lequel seroit trop difficile desteindre.
Quant a lelection que vous prétendez de faire
pour augmenter vostre compaignie, cest un conseil
bon et louable. Seulement ieusse desire, puis que
vous envoyez par deçà, que vous eussiez diffère iusques
a la venue de maistre Guillaume Olbrac, car
vous ne saurez si bien faire que tousiours cela ne
Calvini opera. Vol. XVI.
soit subiect a calumnie, quon naura point attendu
la venue dun second pasteur. Mais puisque sen est
faict, ie prieray Dieu' quil luy plaise de bénir le
tout, vous priant, mes frères, de ne vous point
fascher de la liberté que iay prinse a vous declairer
ce que iavois sur le coeur, car ce sont choses
que ie ne debvois et ne pouvois dissimuler en vous
escripvant. Au reste vous.verrez comment iescris
en general a toute lesglise.
Parquoy ie feray fin après mestre recommande
affectueusement a voz bonnes prières, et aussi de
mon coste avoir supplie nostre bon Dieu de vous
maintenir en sa saincte garde, et vous gouverner
par son S. Esprit pour avancer ledification de son
esglise. De Geneve ce 29. de iuing 1556. 6 )
Vostre humble frère,
2486*
lean Calvin.
CALVIN A L'ÉGLISE FRANÇAISE DE
FRANCFORT.
Même sujet. Becommandation du nouveau minisire
Soïbrac.
(Minute. Bibl. de Génère. Vol. 107; fol. 77. Copies Vol. 108,
fol. 68. Berne VI. p. 582. Simler Vol. 87. — Euohat VU.
335. Lettres fr. H. 99. Trad. angl. TH. 274.)
La dilection de Dieu nostre Père et la grace de
nostre- Seigneur Iesus Christ soit touiours sur vous
par la communication du Sainct Esprit.
Treschers seigneurs et frères, combien que depuis
la mort de nostre bon frère maistre Bichard,*)
ü eust este fort expedient que vous eussiez esteproveuz
des le premier iour dun aultre pasteur, et
surtout a cause des troubles et differens qui alors
estoyent entre vous, et que la longue attente vous
eust este fâcheuse, toutesfoys iespere, au plaisir de
Dieu, que le fruict que vous apportera la venue de
nostre frère maistre Guillaume Olbrac recompensera
tellement le' tout 2 ) quil y aura dequoy vous
5) La lettre est datée du 29. Mais (fest sans doute
par inadvertance, celle gui suit et les deux précédentes, toutes
emportées par Holbrac, étant du 24.
2486.1) î>éc. 1555. H devait d'abord avoir pour successeur
Perrucel.
2) tort Bt.
14