Apollonii Pergaei quae graece exstant cum ... - Wilbourhall.org

PROLEGOMENA.
LXXXV
notis commemoraui, interpolationes inutiles ne notaui quidem,
nunc etiam magis inutiles, quoniam tandem ad codices reditum
est.
in libris V— VII edendis Halleius usus est „apographo
Bodleiano codicis Arabici ex versione satis antiqua a Thebit
ben Corah facta, sed annis abhinc circiter CCCCL a Nasir-
Eddin recensita" (praef. p. 2), h. e. BodL 886, adhibitis etiam
compendio Abdulmelikii (Bodl. 913, quem Rauius ex oriente
asportauerat) et editione Borellii. opere demum perfecto Narcissus
Marsh archiepiscopus Armachanus ex Hibernia „exemplar
Golianum antiquissimum, quod ab heredibus Golii redemerat"
(h. e. Bodl. 943, u. Nix p. 10) transmisit, de quo Halleius
praef. p. 2: „ex hoc optimae notae codice, qui septem Apollonii
libros complexus est, non solum versionem meam recensui
et a mendis nonnullis liberaui, sed et lacunas aliquot, quae
passim fere etiam in Graecis occurrebant, supplevi".
Post Halleium nihil ad uerba Apollonii emendanda effectum
est; nam Balsam, qui a. 1861 Berolini interpretationem
Germanicam edidit Halleium maxime secutus, rem criticam
non curauit.