Apollonii Pergaei quae graece exstant cum ... - Wilbourhall.org

PROLEGOMENA.
LVII
Cap. II.
Q,uo modo nobis tradita sint Coniea,
Ex praefatione ipsius Apollonii ad librum I discimus, Conica ant&
Eutociuiu
eum totum opus Conicorum a principio Alexandriae, sine
dubio scholarum causa, composuisse et deinde cum mathematicis
quibusdam, qui scholis eius interfuisse uidentur, e schedis
Buis communicasse. cum ita diuulgari coeptum esset, opere festinantius
pauUo ad finem perducto non contentus editionem
nouam in meliorem ordinem redactam instituit, cuius libros
primos tres ad Eudemum Pergamenum misit, reliquos quinque
ad Attalum (fortasse Attalum primum regem Pergami), u. II
p. 2, 3. itaque statim ab initio inter Conicorum exemplaria,
quae ferebantur, discrepantia quaedam suberat, sicut queritur
ipse Apollonius I p. 2, 21, et fieri potest, ut hinc petitae sint
demonstrationes illae alterae, quas Eutocius in suis codicibus
inuenit (cfr. Eutocius II p. 176, 17 sq.). sed sicut Eutocio concedi
potest, quaedam fortasse ex editionibus prioribus seruata
esse, ita dubitari nequit, quin editio recognita inualuerit, nec
ueri simile est, editiones priores usque ad saeculum VI exstitisse;
praefationes enim singulorum librorum, quae, ut per
se intellegitur , editionis emendatae propriae erant, Eutocius
ih omnibus codicibus inuenisse uidetur, quoniam de solo libro
tertio commemorat (II p. 314, 4sq.), nuUam ibi praefationem
exstare sicut in ceteris.*) sed hoc quidem ei credendum, codices
Conicorum, quos habuerit, haud leuiter inter se in demonstrationibus
discrepasse, siue haec discrepantia ex editionibus
prioribus irrepsit siue, quod ueri similius est, magistris
debetur, qui libro Apollonii in docendo utebantur, quo modo
in codicibus reliquorum mathematicorum ortae sunt demonstrationes
alterae.
ex his codicibus Eutocius suam librorum I—IV editionem editio
concinnauit; de cuius ratione quoniam egi Neue Jahrbiicher ^'^toc"
filr Philologie Supplem. XI p. 360 sq., nunc hoc tantum addo,
editionem eius ita comparatam fuisse uideri, ut in media pa-
*) Utrum praefatio libri tertii interciderit, an Apollonius
omnino nullam praemiserit, dubium est; equidem non uideo,
cur Eudemo hunc librum sine epistula mittere non potuerit,
cum nomen eius duobus prioribus praefixum esset.