f° 1 - Cartusiana

36 r
De unione facta in ordine nostro congregatis patribus ad capitulum in domo Cartusiæ,
quam primum illuxisset auraro/aurora unitatis in Ecclesia
Anno 1409 Benedictus 13, Avinionensis et Gregorius 12, Romanus Pontifex ultro citroque missis litteris
inter se mutuum hortati sunt principatum deponere, ut nova fieret electio unitasque reddiret Ecclesiæ cum
neuter haberet propositum resignandi. Cardinales autem videntes collusionem Pontificum ab utraque parte
convenerunt Pisas, Concilium celebrarunt indict 2 huius anni.
Erant ibi prælati circiter sexenti, theologi centum viginti quatuor, jureconsulti prope trecenti, qui cum
ambos istos a potestate removissent post 20 dies unanimiter elegerunt f. Petrum Philardi Cretensem,
ordinis minorum, qui ex presbytero card. Bas. 12 Apostolorum creatus 6 calendas julij coronatus nonas julij
sedit mensibus 10 diebus 8, fuitque appellatus Alexander quintus. Gregorius interim et Benedictus
contempto concilio Pisano, sese Pontifices (ut ante gesserunt). Subveriti tamen ne caperentur alter
Arminium, alter Catalauniam diffugerunt.
Ab his non dissinant ordinis nostri monumenta hæ quæ sic habent. Venerabilis Pater D. Bonifacius vir
litteratus doctor decretorum domui Cartusiæ et ordini sollicitus satis præfuit donec ex utraque parte scilicet
obedientiarum convenientibus in unum in domo Cartusiæ prioribus post unionem Sanctæ Ecclesiæ tandem
Deo miserante capitulum generale cælebratum est. (anno M.CCCCX) sic que fluctuante iam diu desolata
Matre Ecclesia tam in capite quam in membris quasi per spatium XXX annorum tunica Domini inconsutuli
quasi spiritualiter dissipata tandem miserante Patre misericordiarum, cuius miserationes super omnia
opera eius, ipsi domini cardinales relicto utroque Papante, dolentes super tam diu Petri heu navicula
fluctuante iam iamque periclitante sub bicipite convenerunt ex utraque parte in unum in civitate Pisana
Italiæ, ubi tunc elegerunt in Papam M. Petrum de Caudia, doctorem in Theologia solemnissimum
cardinalem Mediolanem de ordine fratrum minorum, qui postea appellatus Alexander V. Ambæ tamen
partes derelictæ f. Angelus de Cornario qui vocabatur Gregorius XII, papa Romanus, et ex altera parte
Petrus de Luna, vocatus Benedictus XIII, papa Avinionensis retinuerunt statum papalem primus in regno
Neapoli, et secundus in Catalonia.
56