f° 1 - Cartusiana

1400
43
f° 30 r
Anno 1400 celebratur secundum antiquam institutionem Ecclesiæ Romanæ in urbe Jubilæum. Eius
indulgentiæ capessendæ, et visitationis liminum Apostolicorum causa ad urbem catervatim utriusque
homines sexus in maxima multitudine pene per totum illum annum advenerunt; quorum multi erant
nobiles et egregiæ personæ: ac larga offertoria ad urbanas ecclesias attulerunt. Bzovius.
Anno hoc Sacro Jubilæi 22 aprilis, obijt peregre in via Romana nobilis Baro, dominus Zwederus de
Abcoude, toparcha de Gaesbeck, de Put et Streyen, principalis fundator et dotator cartusiæ Ultraiectinæ, in
cuius monumentis licet legere quam mirus fuerit locorum sacrorum cultor et amator, ut quemadmodum ex
conspecta Veronica Monstrelli animum resumpserit ædificandi cartusiam.
Robertus de la Val, abbas ecclesiæ S. Petri Senonensis, ordinis S. Benedicti, quam cum optime rexisset per
14 annos sexagenarius intravit ordinem cartusiensem in domo Luvigniaci.
Wenceslao Romanorum rege, ab ea dignitate propter inertiam remoto Rupertus, Bavariæ dux ipsi sufficitur,
qui adversus Joannem Galeatium Medialani, ducem a Florentinis in Italiam accitus nulla re præclare gesta
in Germaniam redijt gravissimum ibi, unde digressus erat, bellum relinquens. Miræus.
Anno 1401. Rex Aragonum, Petro de Luna, Antipapæ (qui obsessus custodiebatur Avenione) eliberando
Nuntios ad Regem Galliarum misit, inter quos Bonifacium Ferrarium Divi Vicentij Dominicani Germanum
Porte-Cœli carthusianorum in regno Valentiæ cœnobij priorem. Hi nihil aliud impetrarunt, quam ut ad dies
mensis aprilis cum designatis a rege viris deliberarent si qua ratione possent Petro conciliare cardinales
Clerum, et populum Avinionensem, etc. Bzovius num. XV.
Quoniam ad historiam facit, ponam ad longum bullam de Indulgentia quam habemus ad Te ergo
quæsumus de Te Deum laudamus: et etiam ad gratias agamus in præfatione missa.
Ferdinandus miseratione divina basilicæ Duodecim Apostolorum de urbe S. R. E. presbyter cardinalis
Tirasonensis Vulgariter nuncupatus: venerabilibus et religiosis viris Maioris Cartusiæ, et ceteris prioribus
ac fratribus donatis omnibusque alijs et singulis personis ordinis cartusiensis. Salutem et
sinceram