f° 1 - Cartusiana

f° 152 v (235)
1516
quam pro copiarum modo rataque portione. Quod caput est ne sua auctoritate in principes faciant,
sed eius venia, unde iura et leges sacræ petuntur Romani certe pontificis. Accedat etiam, quorum
interest episcoporum provinciæ consensus et sacri ordinis ; uti in Belgio poncticari videmus nam
ordo sacratus peiori conditione esse non debet quam populi, quibus volentibus tributa a regibus
imperantur. Verum hæc in medio relinquantur ne in lubrico loco vestigium fallat.
Obijt reverendus dominus Arnoldus Wijttens, abbas Parcensis, benefactor fautor cartusiæ
Lovaniensis.
Die 10 septembris obijt Lovanij reverendus dominus Arnoldus Wyten, abbas monasterij Beatæ
Mariæ Virginis in Parco, ordinis præmonstratensis.
Hic multo tempore ibidem præfuit vir valde religiosus et pius patert omnium religiosorum amator
et benignus susceptor, qui sæpius cartusianis Lovaniensis nobis bene fecit, et ab initio quo cæpta
est hæc domus usque modo singulis annis semel aut bis consueverat mittere quinquaginta bonos
carpiores, et valde benignum se ac humanum exhibuit in reciendis et liberaliter tractandis
religiosis nostris, quapropter conventus Lovaniensis contulit ei perpetuum annum.
Item domnus Nicolaus de Sparendam senior monachus domus Ultraiectinæ qui 62 annos
laudabiliter vixit in ordine.
Et in festo Sancti Nicolai obijt domnus Theodoricus Joannis de Sparendam, monachus professus et
senior domus Ultraiectinæ, habens annos ætatis nonaginta duos et amplius ex quibus 62 exegit
laudabiliter in ordine.
Notat liber fundationis quondam domnum Arnoldum Buscoducensem presbyterum et canonicum
de Boxtel fuisse in Schuet receptus, qui quia patiebatur defectum in lingua et titubabat adeo ut
vitiorem legere non posset fuisse demissum.
Anno 1516. Ferdinndo catholico Hispaniarum et Siciliæ regi mortuo succedit Carolus
Austriacus ex Joanna Castellana filia eius nepos.
Decimo sexte kalendas februarij auspicante salutis anno millesimo quingentesimo decimo sexto
Ferdinandus catholicus Arragoniæ, Castellæ et Neapoli rex die mercurij post mediam noctem una
amplius hora animam placide efflavit Madrigalegij prope castra Julia cum Hispalim festinaret
princeps iustitiæ cultu, prudentiæ laude, animique præstantia excellentior omnibus qui unquam in
Hispania extiterunt, Carolum Austriacum nepotem suum hæredem scripsit.
Sub hoc rege res quinque memoria inprimis dignæ contigere. Eius enim tempore et auspicijs
novus ad Occidentem orbis reperiri est cæptus. Judaos omnos Hispania expulit. Regnum Granadæ
pulsis universa Hispania Saracenis, cæpit. Misso in Italiam Fedinando consalvo ac in Navarram
Feredico Toletano Albæ duce regnum Neopolitanum ac Navarræ Hispanico adiecit sed hoc
maxime admirandum quod anno 1492 ab ignote rustico brevi largoque gladio in celle tam arcitor
sit cæsus, ut nisi interioris lineæ vestis collare, quod tum temporis artificioso fæmineo opere
durissimum fieri ac geri solebat obstitisset caput illi sine dubio amputasset tunc leviter vulaerator
erasit. Sepultus est Granadæ mausoleo pro se successoribusque suis ad hoc dicto anno 1492
ædificato.
Catholicus rex Hispaniæ.
Ceterum Ferdinando huic catholici cognomen ab Alexandro VI P.P. datum fuisse Mariana alijsque
testantur. At Lipsius tradit Alfonsum bellis contra Mauros anno 731 gestis clarum iam olim
catholici regis cognomen meruisse : idemque antea Recaredo regi datum in concilio Toletano cum
Gothorum gentem abiectis Arij delirijs in ecclesiæ castra reduxisset ac tertium idem in Ferdinando
333