f° 1 - Cartusiana

f° 151 v (233)
1515
Conventus regum Viennæ et coniuga.
Ad Viennam Austriæ cæsar et duo fratres Sigismundus Poloniæ et Ladislaus Hungariæ reges
convenere ad sextum decimum kalendas augusti. Colloquij præcipua caussa conniugia exstiterunt
Fedinandum et Mariam Austriacos fratres inter Annam atque Ludovicum iam Bohemiæ regem
Hungari filios inita ipso Magdalenæ sacro die. Auspex et Antistes totius cæremoniæ Thomas
cardinalis Strigoniæ pontificis legatus. Lætitia ludis, connivijs et omne genus spectaculis atque
principum numero læto cultu, gemmis auro et purpura distinctis vestibus plures dies continenda
est. Interfuere ex sponsis Ludovicus et Anna patrem regem secuti, præterea Maria Austriaca (quæ
superiori anno deducente eam Carolo Croniaco Chimai principe 21 junij e Belgio Viennam
venerat) absentiam Ferdinandi cæsar eius Avus supplevit quasi procurator sponsalibus stipulandis.
Mense jullio Christiernus secundus Daniæ rex Elizabetham Austriacam principes Caroli alteram
sororem, nuptiæque Coppenhavij magnifice celebrantur. supererat Eleonora maior natu cui maius
matrimonium, Deo etiam sic disponente, reservabatur.
Franciscus rex Galliæ Mediolanum capit.
Rex interim Franciæ Franciscus 1 us cum lectissimus copijs in Insubres contendit, ac ingenti ad
Marianum pugna Helvetios Sfortiam defendentes fundit, celebrique sed cruenta obtenta victoria,
universam fere in potestatem redigit Insubriam, Maximiliano Sfortia urbe ac Arce Mediolanensi
cedente certisque conditionibus in Franciam migrante.
Pragmatica sanctio per Galliam aboletur et nominatio ad sacerdotia et beneficia ad regem
derivatur.
Pontifex tempori inservire constituens ex condicto Bononiæ victorem convenit actumque inter eos
de pragmatica sanctione in Gallia abolenda, item de nomin atione ad sacerdotia et beneficia, quæ
antea erat penes collegiatas ecclesias in regem derivanda. Item de annalis et alijs capitulis in
libellum quem concordatum dixerunt, relatis in magnam ecclesiæ Gallicanæ perniciem.
Nec clerus quietior in Brabantia sic enim habet liber fundationis.
Amortizatio bonorum requiritur ab ecclesiasticis in Belgio.
Hoc anno 1515 fuimus multum vexali ex parte principis non solum nos sed etiam tota patria
occasione amortizationis bonorum nostrorum et dedimus declarationem omnium bonorum
nostrorum acquisitorum infra 40 annos quia ante illud tempus dedimus tempore ducis Caroli
declarationem bonorum nostrorum, et tunc dedimus CLXXX renenses pro dicta mortizatione.
Et etiam fuimus taxati ad mille XXXIX renenses ex XV stuferos( ?) non obstante tamen quod
commissarij scilicet magister Ægidius de Busleyden magister computorum in Bruxella et Joannes
van Nuewenhove receptor in parte Bruxellensi fuerunt satis pij et gratiosi. Prior Mathias cum suo
procuratore fecerunt magnam instantiam et prosecutionem pro relaxatione dictæ amortizationis
dederuntque supplicationem regi nostro, in qua petierunt ut receptores opidi Bruxellensis qui
domui huic obligantur in magna summa ultra quatuor millium renensium, et pro hoc domo in
defalcationem dicti debiti solverent taxam eis impositam, et quitarent dictos receptores in duplo
pluribus. Quæ supplicatio erat lecta in magno consilio regis et pronuntiatum erat quod esset valde
rationabilis et fuit commissum et iniunctum domino cancellario Babantiæ quod apud se
convocaret dictus receptores, et ita fecit inducendo demonstrando et rogando ut secundum
intentum dictæ supplicationis vellent facere. Qui nullatemus acquiescere voluerunt dicentes quod
magis (au-dessus de la ligne : plures) essent contenti recipere X renenses et pro eis defalcarent
centum renenses. Istam responsionem scripsit manu propria dominus cancellarius Brabantiæ
magister Jeronymus vander Noot.
Eleonora Austriaca afficitur cartusianis Bruxellensis.
330