f° 1 - Cartusiana

f° 145 v (221)
1513
Seditio Coloniæ 6 januarij.
Anno 1513 apud Coloniam Agrippinam die Epiphaniæ seditio bravis orta est vulgo contra
senatum tumultus ciente, quam tameniusto Dei rudicio accidisse narrat Joannes Chapeavillus in
hist. Leodiensi sic : Magistri civitatis pastoris ecclesiæ S. Remigij S. Th. professoris viri optimi
domum, nescio quo colore quæsito spoliarunt. Clericus rei indignitate offensus parochiam
ecclesiastico curat suppone ineterduto Pastor peiora veritus Leodium confugit, benigneque a
præsule propter modestiam aliasque virtutes auditus, præbenda Sanctæ Dionysij forte tunc vacante
donatur. Vulgus interea magistratum Coloniensem tum hac tum alijs de causis in vincula
conijciunt, et administrationis rationes oxigunt. Mirum dictu necdum quæstionibus adhibiti, Deo
corda illorum ad pœnitentiam emolliente, iuste in se commotum populum profitentur, moxque
multa extremo digna supplicio palam agnoscunt, proventus nimirum civitatis ilam alienasse,
dominum Rickesteym, archiepiscopi vicarium intempestæ noctis silentio iugulari curasse et alia
eiusce generis. Quibus permota civitas novo creato magistratu decem illorum capite plecti curavit.
Quod factum, propter malum exemplum, videtur Surius noster damnare (au-dessus de la ligne ? :
temeritatis) quia et eodem anno Vuormatieum cives in senatum monisse subdit, sed aliquando
Deus monet corda populi, quæ tamenexempla non temere sunt sequenda.
Alias Blasius de Alagario, fundator domus Beatæ Mariæ de Fontibus.
13 januarij vita defungitur illustris dominus Blasius de Alagario, fundator domus Sanctæ Mariæ de
Fontibus in diœcesi Oscensi, forte scribendum D’Alagon nam chartæ sæpe incorectæ et illigibiles
sunt.
9 februarij magister Robertus Virili civis Lovaniensis donavit cartusianos quatuor modijs siliginis
hæreditariæ trecensæ, itam resignavit eisdem supra quoddam pratum Arschoti duo philippicos.
Successio pontificum.
Nono calendas martij obijt Julius secundus pontifex Romæ : præfuit annos 9 menses 3 dies 21
multa Italiæ opida quæ a diversis principibus possidebantur armata manu recuperavit, cætera et
modestiæ et æquitatis studiosissimus. Julius 2 etiam Vaticanum templum superbo structuræ genere
primus instaurare est aggressus. Successit illi Joannes Medices Florentinus qui Leonis X nomen
accepit, creatus quinto idus martij.
Cæsar frustra tentat ducatum Burgundiæ.
Vere huius anni Maximilianus cæsar acceptis ab Angliæ rege centum quinquaginta aureorum
liliorum millibus, ac pro reliqua solutione eodem rege fidei iubente conducit 25 millia peditum
Helvetiorum addit bis mille equites duceque Ulrico princeps Wirtembergico in ducatum mittit
Burgundiæ, eum nepoti Carolo Hispaniæ principi vendicaturus. Obsederunt Helvetij Divionem et
iam muri pars non exigua disiecta aditum præbebat hostibus ut facile vi adhibita possent
irrumpere : cum ecce Galli, Gallica usi arte Helvetios magnis promissis muneribus corruperunt
eoqe adduxerunt ut ab urbe discederent, ta fatale est, ut quamvis posteri Caroli Audacis sæpius
tentari dictum ducatum recipere nunquam potuerint.
Galliæ rex damnat conciliabulum Pisanum.
Hoc anno quidam cardinales qui conciliabulum Pisanum secuti fuerant veniam a Leone pontifice
et pietierunt et impetrarunt rex quoque Galliæ veritus tot gravissima incommoda eo se pertulisse
quod idem ipsum adulterinum concilium is sua ditione fovisset illud abrogavit et davinam et cum
suis concilio Lateranensi adhæsit.
Maximùiliano Sforcia dux Mediolanensis Helvetiorum insigni virtute Mediolanum pulsis Gallis
recuperavit, et cum postea Novariam oppugnarent postridie nonas junij pugna memorabili ad octo
millia occidit.
314