f° 1 - Cartusiana

f° 121 r (172)
1500
Margaretam Eboracensem Caroli Audacis viduam infantem ulnis gestasse omnes historici
concorditer affirmant.
In quadrinie quod est inter monasteria carmelitarum et fratrum ordinis Sancti Augustini arbor erat
non parva tota deaurata. Sed omittamus talia. Ceterum quod pœne sui oblitus ponere illustrissima
domina, domina Margareta de Jorke, ducissa Burgundionum quæ secunda fuit uxor ducis Caroli,
quem Hermolans barbarus in oratione quadam nominat regem Belgarum, et eadem Margareta fuit
soror regis Angliæ cuius Margaretæ permulta sunt et magna beneficia huic ecclesiæ nostræ domus
Capellæ et fratribus huius domus frequenter exhibita, cuius memria cum laude et multa gratiarum
actione nobis esse perpetua debet. Illa inquam Margareta Gandavi puellum Carolum portavit ad
baptismum. Quod vidi scripsi. Nam illo tempore cum multis alijs hominibus ego stabam prope
capitolium. Et cum transiret puerum ferens in brachijs vidimus illum holosericis involutum atque
biffino velamine porquam tenui et perspicuo coopertum. verum an semper et continue portaverit
eum non audeo affirmare facere non possum quin festivum quoddam et elegans carmen huc
adducam concinnatum luculenter ab insigni theologo Ægidio Delpho de ann die et hora nativitatis
filij archiducis.
Primum distichum est chronographicum, colloge litteras numerales
AVgVstIs ætatIs et faVsto sIdere cœli x
CaroLVs eXortItur posset aMæna saLV
Quis fuit ille dies rogitas : quo nomine clarus ?
Tunc jubileus erat : tunc que bisextus erat
X o littera huic non admittitur.
256
Hunc sexto digesta puto infirmiare calendas
Interculares Syllaba sola dolet
Quæ fuit hora putas qua gaudia tanta levantur
Tertia vult ortum vix sibi quarta tenet
Hactenus domnus Joannes Ammonius de Baptismo Caroli V. Sed lubet meis conterraneis illud
occinere
Præterit ista dies, nascitur origo secundi
An labor an requies, sic transit gloria mundi.
Ut paulatim ad nostra descendamus subnectamus quæ ipse domnus Ammonius pergit scribere.
Eodem anno post Pentecosten in æstate quidam meus aliquando in litterarum ludo condiscipulus
professionem fecit in ordine cartusiano in domo Vallis Regalis prope Gandavum, nominatur autem
frater ille Jacobus de officina oriundus ab Antverpia emporio percelebri, quam profesionem et
auditura et visura venit illustrissima domina, domina Joanna regina Castellæ, quæ Gandavi
etiamnum morabatur. Nam domus principis non admodum longe abest a domo ordinis nostri. Et
ego cum ceteris etiam id temporis aderam. Illa cum suis heroinis erat in sacrario et permanserunt
ibidem usque dum divinum officium peractum fuit. Quo finito statim egrediebatur et venit in
aream quæ est ante introitum templi ubi currus erant eius et equi. Ibi tum proprius accessi non
tantum ut eam viderem, sed etiam ut audirem eam loquentem. Loquebatur autem dulciter.
Aspectus eius gratiosus admodum et valde modestus et affectu miti prædita mihi videbatur.
Prorsus rege digna uxor mihi visa est et regio honore digna. Prædictus autem frater Jacobus fuit
vicarius in domo professionis suæ. Aberat tunc archidux nam ut scribit Huterus mense mayo
Bethuniæ ac ad fanum Audomari inauguratur inde Dunkerkam pervenit tunc Grevelingam ubique
liberaliter donatus. Quinto idus junij colloquium habuit cum Henrico rege Angliæ et regina uno
milliari a Caleto. E Flandria Lutzenburgum proficiscitur ubi dicto acceptoque sacramento in
ducem inauguratur relicta ditionis gubernatiore marchioni Badensi.
Domnus Simon Vilayn venit ad ordinem.
Hoc anno ipso die Epiphaniæ Domini venit ad monasterium in Schuet honestus iuvenis magister
Simon Vilain artium magister, filius naturalis generosi viri dominus Philippi Vilain, militis
consiliarij ducatus Brabantiæ qui permansit in vocatione sua ac professionem emisit anno
sequenti, qui domui reliquit satis bona vestimenta de quibus comparavit sibi sua necessaria et
expensas tam in vestitione quam in professione ex quorum pretio empti sunt tres rhenenses in