f° 1 - Cartusiana

f° 102 r (134)
1485
Argenteus Carolus expoliatur.
Propter has excursiones Flandrorum circa principium Quadragesimæ domnus prior, procurator,
coquinarius et Hermanus in capella expoliaverunt argenteum Carolum (qui prior et procurator non
multo post fuerunt spoliati forte iusto Dei iudicio ut mox dicemus) et miserunt argentum et alia
encenia et bona domus Bruxellam in domum Elzelaere et in hospitium nostrum, ac de consilio
dicti Joannis Elzelaere et Francisci Stoc fecimus imaginem ligneam ducis Caroli super quam
argentum erat fixum depingi meliori foro quo potuimus per famulum dicti Francisci in cuius
depinctione de scitu et voluntate nostra appositum est pro parte argentum pictorum pro parte folie
ne dicatur quod pictor false depinxerit, pictor habuit XV rhenenses. Iste Carolus argenteus factus
fuit anno M CCCCLXXVIJ circa festum Beatæ Mariæ Magdalenæ quem dux Burgundiæ fieri
fecit, pondere fuit LXXXIIIJ mercarum argenti prout se invenisse testatur domnus Franciscus
Cavenere in quodam libello domnus Joannes de Bruyne olim procuratoris huius domus.
Cancellarius Brabantiæ et patres cartusiani falsa visione et imprudentia decepiuntur.
Circa festum Annuntiationis Hermanus Anderlecht custos capellæ Nostræ Dominæ de Gratia dixit
quod visum sibi fuit et quomodo Beatæ Virgo dixit in corde quod pax cum Flandrensibus non
fieret nisi cartusienses etiam se interponerent et sic retulit cancellario Brabaniæ qui die Palmarum
vocavit ad se priorem huius domus et suasit ei ut se offerret ad servitium principis ad loquendum
Flandrensibus cum prioribus Antverpiensi et Diestensi et rogandum eos ut se vellent inclinare ad
pacem ad quam princeps Maximilianus se semper dixit inclinatum. Sic accepta informatione a
cancellario Brabantiæ dominus Carolo de Groote, qui fratrem habuit in hac domo circa medium
aprilis prior huius domus demandavit ceteris prioribus ut simul convenirent prior Capellæ et prior
Diestensis comparuerunt Antverpiensis ab erat domo, sicque 20 aprilis prædicti duo priores prior
et procurator huius domus perrexerunt Gandavum simul in currum.
Priores cartusiani capti a Flandrensibus ruteris, quod pergerent Gandavum ad loquendum pro
pace absque salvo conductus.
Et eodem sero quando (inquiunt) venissemus ad …viane iuxta Gandavum invaserunt nos ruteri
Flandrenses et præcipue villani circa et abduxerunt de via communi ad unam domum ruralem et
ibi cæperunt nobis pecunias nostras litteras et informationem propter quam tota nocte
diffamaverunt nos ad portas opidi et de mane in opido dicentes nos esse prodictores. Sic de mane
circa horam octavam induxerunt nos in oppidum cum uno servitore legis ipsis Ruteris circum circa
nos gradientibus et multis millibus hominum respectantibus et quibusdam deridentibus nos verbis
et factis usque ad domum civium ante legem qui omnes nostras litteras habuerunt apud se ex
quibus in genere pauci notabantur qui pacem impediebant pro commodo proprio et lucro et
dominatione sua servanda. Et sic Wilhelmus Rijm et quidam alij dixerunt nos esse nos magni
criminis sic miserunt nos in unam cameram in domo civium ubi fuimus stricte custoditi ad septem
hebomadas postea admonitione et prece domnus prioris Gandensis fuimus dimissi ad
199