f° 1 - Cartusiana

f° 101 r (132)
1484
Totum cæmiterium et ambitus consecratur.
In profesto Sancti Jacobi episcopus Dagnensis suffraganeus Cameracensis dominus Godefridus
ordinis Carmelitarum consecravit et dedicavit cæmiterium totum magnum ambitum et hortum in
medio ipsius gratis.
Die Sanctæ Bartholomæi tempore visitationis visitatores absolverunt sacristam domnus Arnoldum
Calck etiam conclusa visitatione post spatiamentum ex causa et ordinaverunt domnus Mathiam
sacristam qui postea fuit prior.
Fons deducitur ad cellas aliquot religiosorum liberalitate quorundam bonorum virorum.
Clericus redditus recipitur qui non perseveravit.
Magister Franciscus Waelem de Bruxellæ ad statum clerici redditi et postea donati de licentia
domnus Gerardi de Haerlem prioris Monachorum et principalis visitatoris quoi sequenti anno a
nobis recessit et dedit pro expensis suis XXX rhenenses et pro thuribulo XV rhenenses.
Hoc anno 23 martij obijt frater Joannes Moens, conversus laicus, qui minus discretus notatur
fuisse in potando post sudores et calefactiores.
Martinus Lutherus nascitur.
Hoc item anno Martinus Lutherus fax et turbo reipb. Christianæ in Saxonia nascitur, et quamvis
Deus misericordi providentia sua plurimos illi antagonistas præstanti pietate et eruditione
suscitarit, qui illi statim in initio restitenint et etiamnum hodie resistunt occulto tamen sed iusto
semper iudicio peccatis nostris promoventibus integra regna et nobilissimus provincias ijsdem suis
hæresibus et pravis dogmatibus dementavit et adhuc dementat.
R. D. Joannes Cordius ex abbate S. Sulpitei 87 archiepiscopus Bituricensis egrius prædicator, et in
omnes suæ diœcesis ecclesias munificus summo amore prosequebatur religiosos præsertim
Cartusiæ Maioris quos fratres et amicos in Christo carissimos vocabat, quibus et 7 lib. Turonen.
annui reditus concessit 10 februarij anno 1476, obijt 1483, 25 junij.
———————————————————————————————————————
Anno 1484 undecimo calendas februarij obscura nocte occupant viginti peditis Austriaci
Amersvortium quod congelatis fossis custodias negligenter custodiissem
Maximilianus eodem tempore in Hannonia filij Philippi tutor admittitur.
Inde Cameracum calendis februarij veniens divertebatur in abbatia B. Autbeti, et ibi a Philippo
Clivio Lancelotus Barlaimontius occiditur. ob legatos Gandensium captos et quod duxisset in
uxorem Guilielmi Marcani communis hostie in uxorem.
Lepido stratagemate Teneramunda a Maximiliano intercipitur ante Adventum.
Maximilianus considerans Gandenses ad bellum se parare insidiatur opidis circa Gandavum sitis.
Instruit Mechliniæ plaustra tria, imponis iuvenes acerrimos, quorum pars instar sacrarum
Virginum vestita facies fuco obductas habebat. Abbas in medio sedens caniculum sinu fonebat.
Qui in altero currum sedebant Monachorum vestibus erant induti. Qui in tertio mercatorum in
morem vestiti sub vestibus omnes armati bienes gladios ad latera ferebant. Cum in porta
Teneramondana currus starent sustodosque pauci abbatim alloquerentur cæteri subito desilientes
pulsis custodibus portam occupant ac equos soluunt. Adest statim Maximilianus cum octingentis
equitibus pugnatur in oppidi ingressu, alilquandiu strenue, Cadit a parte Maximiliani solus Jacobus
Hernanus comitis filius, a civium parte plures, qui tandem in fugam coniecti Maximiliano opidum
reliquere.
196