f° 1 - Cartusiana

Anno 1477 nonis januarij die dominica.
Perfidia Campobachij ubique asseritur
Proditor Campobachius postremis ad ducem Reinerum verbis erat pollicitus viginti se equites apud
pugnacem, cum foret transiturus (ad eum scripse) relicturum, qui sese proditionis ignoros
simulantes occasionem interficiendi aut capiendi eius essent observaturi. Verum cum pugnacis
acies multitudi… hostium dissiparetur 20 proditoribus exequendi facinoris modus est ereptus cæsa
cum ceteris maxima eorum parte, nolente Deo inter alia pugnacis infortunia hoc eum affici
dedecore, ut a proprijs mercenarijs militis interficeretur, aut captus ad ludibrium veteribus hostibus
traderetur; sed postremo hoc eum honore exemplo multorum regum ac imperatorum, decorante, ut
inter hostium amicorumque cadavera armatus vitam finiret.
172