f° 1 - Cartusiana

f° 89r (108)
1474
requirunt indaginem simpliciter et de plano sine strepitu et figura iudicij. In alijs vero prout qualitas
ipsorum exegerit iustitiæ complementum occupatores seu detentores præsumptores molestatores et
iniuriatores huiusmodi nec non contradictores quoslibet et rebelles cuiuscunque dignitatis status ordinis
vel conditionis extiterint quandocunque et quotiescunque expedierit auctoritate nostra per censuram
ecclesiasticam appellatione postposita compescendo invocato ad hoc si opus fuerit auxilio brachij secularis
non obstante felicis recordationis Bonifacij papæ octavi prædecessoris nostri in quibus cavetur Ne aliquis
extra suam civitatem vel diocesim nisi in certis exceptis casibus et in illis ultra unam dietam a fine suæ
diœcesis ad iudicium evocetur seu ne judices conservatores a sede deputati prædicta extra civitatem et
diœcesim in quibus deputati fuerint contra quoscunque procedere seu alij vel alijs vices suas committere
aut aliquos ultra unam dietam a fine diocesis eorundem trahere præsumant. Seuque de alijs quam de
manifestis iniurijs et violentijs et alijs quæ judicialem indaginem exigunt pœnis in eos si secus egerint, et in
contra procurantes addectis conservatores se nullatenus intromittant et tam de duabus dietis in consilio
generali dummodo ultra duos vel tres dietas aliquis extra suam civitatem et diœcesim auctoritate
presentium non trahatur quam alijs quibuscunque constitutionibus a prædecessoribus nostris Romanis
pontificibus tam de judicibus delegatis et conservatoribus quam personis ultra certum numerum ad
judicium non vocandis aut alijs editis quæ vestræ possent in hac parte jurisdictioni aut potestati eiusque
libero exercitio quomodolibet obviare seu si aliquibus communiter vel divisim a prædicta sit sede indultum
quatenus excommunicari suspendi nec interdici seu extra vel ultra certa loca ad judicium evocari non
possint per litteras apostolicas non facientes plenam et expressam ac de verbo ad verbum de indulto
huiusmodi et eorum personis ac locis ordinibus ac nominibus proprijs mentionem et qualibet alia dicta
sedis indulgentia generali vel speciali cuiuscunque tenoris existat per quam præsentibus non expressam vel
totaliter non insertam vestræ iurisdictionis explicatio in hac parte valeat quomodolibet impediri Et de qua
cuiusque toto tenore de verbo ad verbum in nostris litteris habenda sit mentio specialis. Ceterum volumus
et apostolica auctoritate decernimus quod quilibet vestrum prosequi valeat articulum etiam per alium
inchoatum quamvis idem inchoans nullo fuerit impedimento canonico præpeditus. Quodque a data
presentium sit vobis et unicuique vestrum in præmissis omnibus et eorum singulis cæptis et non cæptis
præsentibus et futuris perpetuata potestas et jurisdictio attributa ut eo vigore eaque firmitate possitis in
præmissis omnibus et singulis cæptis et non cæptis præsentibus et futuris etnpro prædictis procedere ac si
prædicta omnia et singula coram vobis cæpta fuissent et jurisdictio vestra et cuiuslibet vestrum in predictis
omnibus et singulis per citationem et modum alium perpetuata legtiud extitisset constitutione prædicta
super conservatoribus et alia qualibet in contrarium edita non obstante. Datum Avinione secundum nonas
februarij Pontificatus nostri anno quarto. Et quia ad præsens diversis alijs nostris et ecclesiæ nostræ
Traiectensis negotijs occupati dictarum litterarum apostolicarum executioni intendere sine interesse
nequimus. Idcirco de vestris et vestrorum cuiuslibet legalitate et industria plene confidentes vobis et
cuilibet vestrum insolidum in præmissis omnibus et singulis eorum vices nostras totales nobis in eisdem
litteris per apostolicam sedem quomodolibet attributas donec eas ad nos duxerimus revocandas plenarie
duximus committere et committimus per præsentes. In quorum omnium testimonium sigillum nostrarum
presentibus est appensum. Datum in civitate nostra Traiectensi anno a nativitate Domini millesimo
quadragentesimo septuagesimo quarto mensis may die sexta. In plica signatum erat Foulier
165