f° 1 - Cartusiana

f° 71r (73)
1460
Jacobus Rubs, prior Gandensis laudatur.
Anno 1460 ad meliorem vitam migravit venerabilis pater domnus Jacobus Rubs, nono/nonis martii.
Professus et prior cartusiæ Gandensis nominatissimus et nunquam satis laudandus, raræ namque virtutis
fuit et gratiæ, prius prior domus Vallis Sancti Spiritus in Gosnay. Dilectus fuit a suis et honoratus ab exteris.
A Burgundionum duce, magnatibus et nobilitate plurimum cultus. Senatui populoque Gandensi
gratissimus/gratissimo, præcipuus pacis inter ducem et Gandenses cooperator et auctor, cuius gratia
frequenti legatione functus fuit. In spiritualibus vero pietateque (quæ ad omnia utilis) exercitatissimus
extitit. Fuitque prior 30 annis, convisitator 18, visitator 11. (Nooit genoeg te loven, door iedereen geliefd,
o.m. door de graven van Boergondië. Was eertijds prior Val-St-Esprit in Gosnay).
Joannes Meert sacellanus Sanctæ Gudulæ ordinem Cartusiensem in Schuete profitetur.
Hoc anno 1° aprilis nomen dedit ordini domnus Joannes Meert, Bruxellensis capellanus Sanctæ Gudulæ et
unus ibidem hebdomadalium sacerdotum, qui fuit hic multo tempore cantor chori, ligator librorum et
formator brillorum cuius parentes sunt sepulti in Schuete, qui monasterio legaverunt domum suam
Bruxellis prope S. Catharinæ.
Turris affixa capellæ Nostræ Dominæ fabricatur.
In eodem mense campanile sacelli Dominæ Nostræ fabricatum fuit per Joannem Herentals carpentarium.
Nam prima turris nimis exigua erat campana erat ponderum II C LXXXV et Melchior vocata fuit quam
dederunt in eleemosynam dominus Franciscus, miles Cathalanus servitor ducis et Jacotten adiutor eius et
magister Joannes Buscoducensis.
Item domnus prior fecit fieri, seu emit unam minorem campanam vocatam Mariam ponderum centum
quinquaginta quinque quæ servit pro horlogio/horologio, venditis alijs duabus campanis minoris ponderis
quæ fuerant ante adventum fratrum
Magister Michael habuit pro horlogio/horologio XL/XI coronas.
Vivaria fiunt.
Eodem anno feria quinta post festum Paschæ incæpta sunt fieri vivaria versus boream et deinceps
completa, adiuvante domino Waltero Vanden Winckele pio memoria.
Visitatores.
Hoc anno in Capitulo Generali instituti sunt visitatores huius provinciæ domnus Joannes Versaren prior
Gand. et domnus Arnoldus Kaerman, professus Capellæ. A quo Capitulo talis emanavit ordinatio quæ satis
indicat per quos et quales turbatus et afflictus fuerit ordo et sequitur de verbo ad verbum huc translata.
Ordinatio.
Cum iuxta tenorem ordinationem Capituli Generalis anni 1413 quæ incipit: ad reprimendum ambitiorum
temeritatem etc. Quæcunque persona ordinis quæ per se vel per alium impetraret vel afferret litteras
quorumcumque principum, vel dominorum ecclesiasticorum vel laicorum ad Capitulum Generale vel ad
Reverendum Patrem priorem Cartusiæ deprecatorias vel comminatorias super institutione vel destitutione
cuiuscunque personæ officij vel administrationis cuiuslibet ordinis nostri si persona pro qua scriptum esset
obedientiam obtinuisset ipso facto illa obedientia essent privati, vel alias inhabiles pro quacunque nostri
ordinis in posterum obtinenda. Et licet dicta ordinatio fuerit solenniter confirmata, nonnulli tamen suæ
salutis obliti et diabolica ambitione cæcati procurare similes litteras callide in sui ipsius confusionem quam
et/ut decipiant favorem dietim non cessant ad dictum Capitulum vel præfatum Reverendum Patrem
cartusiæ similes litteras mendicantes multiformiter asportare sive mittere vel alias per indirectum asportari
facere. Idcirco volentes merito, ut tenemur, periculis animarum intollerabilibus obviare, intimamus
omnibus personis ordinis, qui talibus fuerunt hactenus temeritatibus implicati, quod vigore dictæ
ordinationis absoluti sunt ab administrationibus ipso facto. Ideoque debent tam sibi quam ceteris personis
ordinis sibi subditis providere, cum privati regimine potestate caveant ligandi atque absolvendi.
129