f° 1 - Cartusiana

f° 65r (61)
1454
fuisse instituta pro distributione eleemosynarum pauperum peregrinorum transeuntium, et per quosdam
fratres S. Nicolai in Bruxella eisdem peregrinantibus elargita. Et illa postmodum successu temporis per
fratres Saccitorum ad suos proprios usus usurpata, et per episcopum Cameracensem ordinationi
opidi/oppidi sub conditione et spe reformationis fratrum Saccitorum pie commissa, quam cum non
servarent neque alias conditionis etiam Dei servitium et eleemosynarum elargitionem negligerent
mercantijs vacarent. Idcirco non solum licuit imo ex Dei iustitia debuerunt ad meliorem et sanctiorem
utilitatem convertere. Atque ex speciali et antiqua ordinatione potuerunt legislatores dicta bona conferre in
usum cartusiensium maxime summi pontificis et Cameracensis hinc ex traditione nostri referunt
Philippum Bonum dixisse optimatibus suis frequentius Bruxellas venirem, si meos ibi cartusianos haberem.
Antistitis consensu et auctoritate accordentibus et ad complacendum duci et ducissæ qui multum ordini
cartusiensi afficiuntur, et in magno reverentia habent, qui fratres cartusiensis pro benefactoribus ac illis qui
bona Saccitorum reliquerunt, (plusquam Sacciti fecerunt) ac pro toto opido/oppido Deum devotius et
attentius die noctuque possint exorare, nec non etiam viatoribus et peregrinis pauperibus ad portam
eiusdem monastrij iuxta bonorum facultatem eleemosynas elargiri.
Ex hoc perpendat lector quantum intersit religiosis hominibus viros principes fautores habere.
Bona Saccitorum pro tunc valebant circa quatuor modios tritici LXXXI modios siliginis, XV modios avenæ
XVII noc, … en groot Brabants.
Notent officiales se pergrinis pauperibus debitores esse.
Bona albarum Dominarum respuentur a cartusianis.
Et quia dicta bona Saccitorum non sufficiebant intendebant amici addere bona albarum Dominarum de
Jherico eo quod minus honeste regulariter que se gerebant. Sed quia dictæ dominæ approbatæ religionis
S. Victoris erant non consenserunt priores ordinis nostri quod propter ordinem nostrum privarentur suis
hæreditatibus aut redditibus. Imo maluerunt esse contenti pro principio de bonis Saccitorum sicut et
fuerunt.
Præscripta igitur ordinatio, ut præmittitur in senatu admissa et conclusa una cum alijs materijs in magno
concilio opidi tunc temporis ad numerum sexaginta personarum notabiliter congregato publicata fuit. Et
quamvis aliqui sibi timerent a dæmonio meridiano, et de acquisiotine bonorum et divitiarum. Tandem
tamen 22 a martij ante Pascha post meridiem præscripta ordinatio erectionis et fundationis cum gloria,
gaudio et honore et Beatæ Mariæ Virginis in dicto loco exaltatione approbata conclusa et confirmata est.
Quæ omnia sicut gesta fuerant, cum retulisset reverendo patri et ceteris diffinitoribus capituli venerabilis
prior Gandensis sic rescripserunt legislatoribus opidi Bruxellensis.
Honorabilibus et magnæ circumspectionis dominis, dominis burgimagistris et rectoribus inclyti opidi
Bruxellensis dominis suis et fautoribus præcipuis.
Post labilis huius viæ et vitæ cursum vitam consequi sempiternam.
Honorabiles domini relatione venerabilis nostri prioris Gandavi ac scriptis venerabilis fratris nostri prioris
Capellæ, didicimus quod qualiter pro divini cultus affecti augmento, altissimo aut dubium id dante in corda
vestra unam novam domum ordinis nostri non longe a mœnijs per orbem terrarum famati opidi vestri in
loco qui dicitur Nostra Domina de Gratia construere et fundare geritis in affectu. Nos igitur in huiusmodi
sancto proposito vestro non immerito lætificati, vestras dominationes rogamus, et in visceribus Domini
Nostri Jesu Christi hortamur quatenus tam sanctum propositum, quod Deo inspirante, concepistis ad
omnipotentis Dei et cœlestis curiæ honorem et gloriam ac salutem animarum vestrarum ad finem debitum
perducatis, æternam remunerationem ab eo expectantes in cœlis, cuius laudes amplificare quæritis in
terris. Sed et si quid pro executione tam sancti vestri propositi per personas ordinis nostri cooperari
poterimus, vobis voluntarios nos exhibemus et paratos, prout et venerabilibus fratribus nostris prioribus
Capellæ, Gandavi et Antverpiæ commissimus desuper loqui et conferre vobiscum. Altissimus vos conservet
et dirigat feliciter cunctis
117