Plinius, naturalis historia 35,98 - Lettere e filosofia
Plinius, naturalis historia 35,98 - Lettere e filosofia
Plinius, naturalis historia 35,98 - Lettere e filosofia
Create successful ePaper yourself
Turn your PDF publications into a flip-book with our unique Google optimized e-Paper software.
Haec fatus latos umeros subiectaque colla<br />
veste super fulvique insternor pelle leonis,<br />
succedoque oneri; dextrae se parvus Iulus<br />
implicuit sequiturque patrem non passibus aequis;<br />
pone subit coniunx. Ferimur per opaca locorum; 725<br />
et me, quem dudum non ulla iniecta movebant<br />
tela neque adverso glomerati examine Grai,<br />
nunc omnes terrent aurae, sonus excitat omnis<br />
suspensum et pariter comitique onerique timentem.<br />
et religio, ut Statius "primus in orbe deos<br />
fecit timor".<br />
ex diverso ut non sit suspicio Graecis.<br />
cape sacra manv non est dantis, sed hortantis,<br />
ut tollat, quia sequitur 'me bello e tanto<br />
digressum et caede recenti attrectare nefas':<br />
scit enim Graecos ex pollutione Palladii<br />
piaculum commisisse.<br />
flvmine vivo perenni, quia iugiter aqua fluens<br />
viva vocatur. flvmine vivo semper fluenti, id<br />
est naturali, ut "vivoque sedilia saxo". est<br />
autem augurale verbum.<br />
ablvero pro abluam.<br />
latos vmeros aut more heroum se laudat: aut<br />
certe sternendo latos facit. vel 'latos'<br />
sufficientes; vult enim ostendere, totum se ad<br />
onus praebuisse: et ideo 'umeros', non<br />
'umerum'.<br />
insternor eleganter tamquam onus laturus, ut<br />
de animalibus.<br />
svccedoqve oneri figura est, ut "succedunt<br />
muro et flammas ad culmina iactant".<br />
inplicvit puerilem expressit timorem, ne<br />
manu excidat patris.<br />
seqvitvrqve patrem non passibvs aeqvis bene<br />
de praesente puero, qui, ut putabatur, inter<br />
manus reginae erat positus, expressit<br />
adfectum.<br />
pone 'post', sed loco tantum, non et tempori<br />
adiungitur. et adverbium est, atque ideo<br />
ultima syllaba habet accentum.<br />
svbit sequitur.<br />
opaca locorvm quia dixit "arboribusque<br />
obtecta recessit". est autem elocutio, ut<br />
"strata viarum". alii 'per opaca', per crassa<br />
accipiendum putant; vel 'opaca' obscura.<br />
alibi 'opacum' amoenum.<br />
et me qvem dvdvm naturalia plus timet. quasi<br />
et vir fortis et pius non timet bellicum<br />
timorem, sed naturalem, propterea quia<br />
sequitur 'comitique onerique timentem'.<br />
glomerati ex agmine propter illud 'undique<br />
collecti invadunt'.<br />
nvnc omnes terrent avrae hic ostendit, etiam<br />
fortes viros pro ratione temporis et causarum<br />
et debere et decere metuere. sonvs excitat<br />
omnis consternat.<br />
svspensvm sollicitum.<br />
comitiqve quidam 'comiti' pro comitibus<br />
accipi volunt; nam et pro Creusa eum timere<br />
putant intellegi, et singulariter dictum, ut