Magyar protestáns egyháztörténeti adattár. I. Budapest 1902.

Dei Virorum conspectu fruimini, celebrate Dei virtutem, quae
in infirmitate suorum servorum consummata fűit, et discite
eorum exemplo, qua constantia et firmitate fidei sustinenda
sit Leonis istius rugientis rabies, quando Deus ad hoc certamen
vocat; ne unquam deficiatis Animo; sed fideles sitis
usque ad mortem Redemptori Vestro, ut coronam vitae ab eo
reportetis.
Fateor. Deum hactenus nobis pepercisse sua misericordia,
nec nos magnis illis certaminibus exposuisse, nondum certare
nos voluit usque ad sanguinem resistendo peccato; sed quis
potest nos certiores reddere, nos in posterum nunquam in hanc
Arenam descensuros, et halcyonys, quibus nunc gaudemus,
semper fruituros ? Scitis Diabolum nunquam dormire; sed
continuo nos circumire, quaerentem quem devoret ? Imo duplicari
et augeri videtur ejus rabies, quo minus temporis sibi
superesse videtur.
Fateor. Deum aliquando illum ligare, ne tanto furore
ovile Dni vastet, unde Apocal. 20. mentio fit 1000 annorum,
quibus ligandus dicitur Satan, sive üli ad Literam, sive indefinite
intelligantur: sed alia sunt tempóra, quibus solvitur,
ut crudelius grassetur in Ecclesiam. Et caecus sit, opportet,
qui non videat, nos in ea tempóra incidisse, quid enim aliud
clamat tristissima undiquaque Ecclesiae facies, quae passim
ferme tentationibus et persequutionibus diri istius leonis infernalis
vexatur, et ad incitas ferme redigitur, ut vix ullus sit
locus in orbe Christiano et Reformato, qui Rabiem ejus vel
non senserit, vel non sentiat. Quid ergo in tanto discrimine
faciendum putatis Fratres, an dormiendum et segnoscendum
videtur ? Imo vígilandum et sobrie vivendum. Si leo corporeus
vos circumdaret, an tranquille somnum capere beeret, an non
ad vestri tutelam vigilaretis insomnes? Quanto magis ergo
vigilandum vobis, dum Leonem invisibilem longe periculosiorem
vobis imminere nostis.
Vigilemus ergo Fratres et sobrii simus, ne incauti unquam
et inermes deprehendamur. Vigilate Magistratus, ne leo
iste rugiens rempublicam vestram, cui a tanto tempore insidias
struit, quamque non semet vel apertá vi, vel aperta fraude
adortus est, perdat, et pretiosissimam, quam hactenus vobis
Deus indulsit libertatém et pacem eripiat. Vigilate Pastores,
quos in specula Deus constituit, ut excubias semper agatis,
ne leo isté ingrediatur in ovile Dni et Christi oviculas laceret.
Vigilate Patre, pro Liberis etc.
Vigilate Juvenes pro vobis ipsis, ne unquam locum detis
Diabolo, vel per iram, vel per luxuriam etc.