Magyar protestáns egyháztörténeti adattár. I. Budapest 1902.

Martyre, Michaele Huszti, in carcere projecti, manent. Nec
jam amplius se levare poterant; sed in omnia momenta mortem
expectabant.
Paulo post ex certa relatione Domini Georgii Veltz 1
cognitum est, per Reverendum Stephanum Harsanyi, utrumque
diem suum obiisse.
Et horum omnium gravissimi compedes, nempe Michaelis
Miskolczi, Stephani Harsanyi, Johannis Korodi, Petri Czegledi,
Johannis Szetsei, Michaelis Huszti, Theatini detentorum, in
carcere suspensi sunt, pro raritatibusque ibidem asservantur.
Stephanus Tökölyi.
St. Tökölyi, natus anno 50 olim Minister Ecclesiae Reformatae
Szogyeniensis, inde per occupationem Turcarum
expulsus, venit in Comitatum Gömöriensem, factus Minister
Dabocensis, Postquam assertus fűit in captivitatem, continuo
ex inconimodis Captivitatis infirmabatur in Sarwar, Triest et
Buccari, Dalmatiae; de quo nil pensi habentes Adversarii,
hominem morbis confectum, ubique, sed praesertim Triesto
Buccarim usque pedestri itinere pergere cogunt. In hoc saxeo
et asperrimo itinere deliquium animi passus, equo tandem
impositus, Buccarim deducitur. Ibi demum, post multas miserias,
cum longa patientia et humilitate, assidua eloquiorum Dei
meditatione, in bonae causae constantia, et causae Christi
forti propugnatione, Deo animam Anno 1675. 7. Decembr.
hora octava matutina reddidit
Verba ultima non consignata : erat enim ab aliis seclusus ;
nec alii admissi, nisi cum in Agone constituto vox deficeret.
Andreas Szent Kyralyi.
An. Szent Kyralyi, Minister Református Ecclesiae Sipiensis
Annorum 40 Posonii, propter non datas de se Reversionales
Anno 1674. 30. Maji incaptivatur, illinc traductus in Fortalitium
Sarwar, Sarwarini per septem Hebdomadas integras
noctu diuque, praeter compedes, cippo ligneo quoad pedes,
manicis ferreis quoad manus numellis ferreis quoad collum,
constrictus tenebatur. Ex iinpedimentis quadruplicis Vinculi
nec loco se movere poterat, sed semper supinus jacebat, ad
1
Velz.