Magyar protestáns egyháztörténeti adattár. I. Budapest 1902.

Nona itaque May cum reliquis in fundum Navis, Adriatici
Maris detruditur; postridie illinc ad superiorem consignationem
Navis evocatur, et praesentibus Jesuitis monetur, imo urgetur,
ut promissa sua jam vellet implere, et sua peccata ritu Romano
confiteri. Hic jam ut decet Athletam Jesu Christi aperte
renunciat suis ante quatriduum factis promissis, et inquit:
Quantum a die illius nefandi promissi, quod inperturbata 1
Praecipitatione mea praestiteram, tristatus sum: tantum, imo
certe plus in hoc miserabili statu mihi gratulor, quod Deus
mihi talem occasionem indulsit, qua illud, quod inocculto 2
vobis promiseram, hodie in propatulo mihi revocare liceat. Et
certe singulari Dei Providentia factum esse recognosco, quod
vestra promissa hactenus distuleritis: Exinde enim mihi Vires
et animum rediisse sentio ; ut quaelibet crudelia, ut huc usque a
ita deinceps potius paratus sim cum aliis Viris Venerandis
perferre, quam hanc viam apparentis liberationis ingredi.
Profiteor me ab istis promissis, quae vobis nuper feci, tanquam
illicitis, mihique detrimentosis, toto pectore alienum esse.
Hac Contestatione edita frémunt, indignantur, et tantum
non in furias aguntur Adversarii: Eum execrantur et blasphemant,
minanturque quod nunquam impune laturus esset,
quod ita ab eo essent delusi, Ibidem diurnum sex crucigerorum,
inde a 5a Április ipsi exhiberi solitum, subtrahunt, fundumque
navis repetere cogunt.
Ille tarnen ex tanta tentatione se admirabili Dei Providentia
ereptum laetabatur, et seposita tristitiä illa praedominante,
qua inde a tempore sui promissi premebatur, et tantum
non opprimebatur, jam Deo gratulabundus gratias agit, et
hilariori vultu cum Fratribus colloquitur: enunciando, ex quantis
Angustiis conscientiae solutus esset, postquam libere renunciare
potuit suis iniquis pollicitis. Conscientiae pacem et tranquillitatem
divinitus nactus, aequiori animo jam ferebat ingravescentes
corporis infirmitates. Pes ex attritu compedum ad genua
contrahebatur, ut non posset extendere, neque ejus beneficio
amplius uti; reptabat in fundo navis, natibus et pedibus
innixus.
Ad Piscariam in Provincia Aprucii in Aridam expositur,
ex portu Maris, duorum Fratrum humeris adhaerescens, in
Carcerem Piscariensem deducitur : illinc postridie protractus et
rustico plaustro injectus, in Civitatem Theatinam deportatur.
Ulterius hinc neque ire, neque deportari potest; quamobrem
cum aliis quinque Reformatis in praefata Civitate derelinquitur.
1
in perturbata; — - in oceultó; — 3
hucusque.