Magyar protestáns egyháztörténeti adattár. I. Budapest 1902.

tarnen semel veritate, nunquam vel levissima cogitatione resilire
volo. Jam omni carne, venis et nervis pedum ossa destituta
et attrita, eminebant, et quotidie ex inde dolores et
infirmitates crescebant, ita ut praesentissima mors saltem jam
illi obversaretur. Quam obrem cum sui dissolutionem jam instare
videret alloquitur reliquos concaptivos. Fratres inquit, in Jesu
Christo visceribus dilectissimi, confessores Jesu Christi constantissimi.
Jam miseriae mihi praevaluerunt, sed vos Deo et
ejus gratiae commendo, Deus vobis Spiritu fortitudinis et
Roboris adsit, et Vos erigat; ut ad finem usque in omnibus
constantes inviniamini, mihi si unquam mea conversatione,
praeter intentionem meam, molestus fuerim, ex Animo remittite.
Ego Vobis omnibus, ex toto pectore ignosco, omnibus
etiam me immerito persequentibus, licet non praesentibus eo
magis, quod minus peccatum habeant, quam illi, qui me vobiscum,
eorum libidini tradiderunt. 1
Deus illis concedat meliorem
mentem, et faciat ut quantocyus factorum suorum Poenitentia
ducti, ad veram resipiscentiam renoventur: Pro abbreviandis
Corporis mei Angustiis apud Deum intercedite, Et Meos Domesticos,
si Deus vobis liberationem largiatur, de meis rebus
certiores reddite ; iisque ex me denunciabitis, non ullum dolorem
ex tristissima mea Morte concipiant: sed se et sua cum omni
pietate et salutari ejusdem Voluntatis cognitione commendem
2
Deo.
Agnosco enim et hodie etiam Coram Vobis contestor;
quod haec omnia ex sanctissima Dei Voluntate, ita evenerunt,
si enim Amor et Zelus gloriae Dei meo Animo non alte
insedisset, facile erat mihi, ut Vos optime nostis, haec tristia
fata evitare. Sed Deo sit omnis honor et gratiarum actio, qui
etiam tunc, cum Mundo quasi victi et abjecti videmur, virtute
sua divina nos victores efficit.
Jam hic Vox prae ingravescentium malorum onere deficiebat,
quantum proloqui potest, rogat tarnen alios confratres,
ut aliquas sacras meditationes ipsi praelegerent. Et quoniam
adhuc habebant, penes se, cum Psalmis Poenitentialibus,
quendam libellum meditationum Aureum Thuribilum nominatum,
libenter id faciunt. Praelegunt ex Meditatione penultimam Orationem
nec non 6. & 143. et alios in afflictionibus meditari
solitos Psalmos, In praelectorum Veritate, affectu, suspiriis et
lachrymis suam acquiescentiam contestabatur: tandem doloribus
consumptus, viribus destitutus, fame, siti, nuditate, incommodis
carceris, et insectis confectus, Animam suam, die 19. May.
1
tradiderant; — 2
commendent.