Magyar protestáns egyháztörténeti adattár. I. Budapest 1902.

diurno et aliis sumtibus a Samuele Odor Kapuwarini exhibito
per ipsum Bekum spoliantur.
Mane iter ingressuri, a quodam milite his verbis excitantur:
Surgite vos, inquit, qui manducatis panem doloris,
miserrimi homines.
Illinc promoventur in pagum Borth, 1
ubi excelsissimum
montem plusquam in altitudine sua quinque milliaria Italica
complectentem, pedibus cum peditatis scandere et trajicere
coguntur. Circa 12. am ejusdem dici per fluvium Labintz' 2
in
termino Hungáriáé traducti, multis suspiriis dulcis patriae oras
relinquunt.
Cum ducerentur per totam Styriam ubique nuntii praemittebantur,
qui monerent villarum et urbium incolas, ad
campanarum pulsum: dicebant n. nuncii se daemoniacos homines
per illám regionem traducere, et in campanarum pulsu
sese et Regionem praemunirent, futurum esset, ut nocumentum
afferant daemoniaci regioni ipsorum.
Julii quinta introducuntur Graecium, jam pervulgato
rumore de tristissima miserorum deportatione, omnes ubique
ad contemplandam tántam afflictorum tragoediam sono campanarum
et tintanabulorum excitati concurrunt, rident, blasphemant
deportatos per varias urbis plateas, et lapidibus impetunt:
donec tandem in ripa fluvii Mura ad diversorium quoddam
deponerentur: Hic depqsitos praesentant Henrico Henric Soher,
quos ille in stabulo quodam equorum ad fimum equinum sub
quodam praesepi projectos decem evaginatis gladiis custodiri
mandat.
Eadem vespera turcicos compedes, jam a praesentibus
captivis per 40 integros dies portatos levari jubet: eosque per
binos manicis ferreis et catenis constrictos, pro pedestri itinere
alternis manibus colligat.
Quoad hic subsisterent Jesuitarum nonnulli advolant, et
quidem unus eorum nomine collegii captivos hunc in modum
alloquitur. Ego bene novi, quod vos gravissima maris pericula
maneant. Sed quoniam adhuc in via constituti estis, et via illa
quam sectamini, est erratica via, suadeo vobis viam veram,
quam agnoscere si volueritis, bene agetur vobiscum. Hunc
mortiferum tentatorem breviter absolvunt captivi. Nos inquiunt,
viam illám, quam tu suades, tibi relinquimus, nostram vero
quae est ipsa veritas ad extremum sequi studebimus.
6. Julii singula paria captivorum stipati quaternis militibus,
ad Bildonum usque abiguntur.
1
Borts? — 2
Lapintz.