MONUMENTA ORPHANOTROPHII TRIDENTINI - Provincia Tridentina

haeredum suarum, quorum arbitrio, iuxta tamen mensurationem, et
aestimationes fiendas per aestimatores magnificae Communitatis qui eo
tempore reperientur in offitio, quorum aestimationi, et mensurationi fiendis
omnino stari mandavit, et iussit. Cum onere dictae Domui Dei imposito ad
in perpetuum celebrari faciendum singulo anno in die obitus domini
testatoris, si fieri poterit, sin minus die immediate sequenti, in ecclesia
Sanctae Mariae Maioris unum anniversarium pro salute illius animae
Missarum decem ad minus, duarum in cantu, et octo submissa voce, ed ad
distribuendum immediate post celebrationem dicti anniversarii singulo anno
in perpetuum starios quatuor frumenti in panes reducti, uti dicitur Tronde,
pauperibus in dicta ecclesia. Item dominam Magdalenam filiam quondam
domini Sebastiani Banalli, eius dilectissima uxorem, usufructuariam
reliquit, donam, dominam, et patronam pleno iure domorum existentium in
civitate Tridenti, et mobilium, ac bonorum stabilium, et mobilium
existentium in pertinentiis, et loco alla Scala toto tempore illius vitae,
vivendo tamen vidualiter, et caste, et non aliter, nec alio modo. Si vero
transiret ad secunda vota, tunc eidem dari iussit eius dotes rhenensium
sexcentum, cui etiam eo in casu iure legati reliquit semel tantum rhenenses
centum loco controdotis. S vero dictus dominus testator mori contigerit
antequam venirent fruges, tunc dictae dominae uxori dari mandavit alimenta
condecentia pro ea, et ancilla, de rebus in domo existetibus. Mandavitque
dictus dominus testator de bonis stabilibus, et mobilibus dictae dominae
uxori ad usifructuandum relictis, immediate post eius obitum fieri
inventarium ad hoc, ut Fraternitas Orphanorum (sic) haeres sua instituta,
finito usufructu praedicto, omnia tam stabilia, quam mobilia dictae dominae
uxori ad usufructuandum relicta consequi valeat. In omnibus autem aliis suis
bonis mobilibus, et immobilibus, iuribus, et actionibus, praesentibus, et
futuris, ubicumque sint, et reperiri possint, haeredem sibi universalem
instituit, Fraternitatem novam Orphanorum (sic) Sanctae Mariae
Misericordiae Tridenti. Prohibendo expresse alienationem stabilium in
totum, vel in partem, ex quacumque causa, etiam in evidentem Fraternitatis
utilitatem omni meliori modo, quo magis, et melius de iure prohiberi potest,
et potuit, quia mens, et intentio domini testatoris est, et fuit, quod praedicta
stabilia omnia in eius haereditate relicta, semper, et imperpetuum remaneant
penes dictam Fraternitatem. Et hoc dixit ipse dominus Ioannes Maria
testator esse, esse velle eius ultimum testamentum etc. Maximilianus
Matthiolus notarius scripsit.
70. Anno 1628, indictione undecima, die iovis penultimo iunii, Tridenti,
in Contrata Sancti Benedicti. Praesentibus magistro Alberto quondam
Ioannis Petri de Brumis Elvetio, et ser Iacobo quondam Odorici de
51