MONUMENTA ORPHANOTROPHII TRIDENTINI - Provincia Tridentina

64. Anno 1621, indictione quarta, die sabbati 3 aprilis, Tridenti, in
quodam cubiculo penes salam aedium venerabilis Praepositurae Sanctae
Margarithae. Praesentibus magistro Iacobo quondam Antonii de Zanellis de
Vigulo vegetario Tridenti, et magistro Iosepho quondam Gabrielis de
Orlandis fabro lignario Tridenti testibus. Magnificus dominus Ioannes
Sarotus agens generalis illustrissimi, et admodum reverendi domini
Matthiae Comitis a Turri, et Vallis Sasanae, liberi baronis Sacri Romani
Imperii, canonici Tridenti tamquam Praepositi Sanctae Margarithae
praedictae, magnifico domino Ioanni Mariae Thim civi Tridenti renovavit
investituram perpetualem de una petia terrae arativa, et vineata quantitatis
stariorum quinque circiter, posita in pertinentiis Ravinae, in loco dicto ai
Campi longi, quia dictus dominus Ioannes Maria promisit omni anno dare,
et praesentare ad aedes dictae venerabilis Praepositurae starium unum
frumenti boni, sicci, et mundi, et carentanos quindecim in pecunia numerata
nomine census perpetui dictae rei locatae. Antonius Bernardellus notarius
scripsit.
65. Anno 1621, indictione quarta, die dominico quinta mensis
septembris, in civitate Tridenti, in Contrata Burgi novi, in sala meae
habitationis. Praesentibus ser Baptista quondam Bartholomaei Paisani de
Trilaco, Bartholomaeo quondam Matthaei de Endrigh eiusdem loci, et
Valentino filio quondam Francisci Marioti testibus. Magnificus dominus
Ioannes Maria quondam domini Iacobi Thim civis Tridenti vendidit Iacobo
quondam Pauli de Poulis de Covalo arativam, partimque vineatam stariorum
quindecim ad corpus, et non ad mensuram, iacentem in pertinentiis Covali,
dictam il Loco della Val. Item arativam trium stariorum, et trium quartarum
in circa ad corpus, sitam in dictis pertinentiis al Spiazzo. Item arativam
trium stariorum ad corpus, positam in pertinentiis praedictis a Baronch.
Pretio convento renensium quingentorum decem, et novem, carentanorum
sexaginta pro quolibet. Pro quo pretio ad computum dictus Iacobus emptor
in solutum dedit praedicto domino Thim arativam starii unius, et trium
quartarum seminis in circa ad corpus, sitam in pertinentiis Trilaci sotto al
Dos, apud lacum Trilaci, et ipsum dominum Thim, aestimatam per ser
Franciscum Frizzeriam de Vezzano, et Bartholomaeum de Piné de Trilaco
renensium quadraginta trium, atque renensies centum in cechinis sex, et
ungaris duodecim in ratione tronorum viginti quinque pro quolibet.
Residuos autem tricentos septuaginta sex solvere promisit in pecunia
numerata ad omne suum beneplacitum quandocumque, et in pluribus
vicibus, solvendo tamen qualibet vice renenses centum, et non minus, una
cum interesse convento in ratione septem pro centum in recumpensatione
fructuum ex dictis bonis percipiendorum in ratione omni ipsi domino Thim,
46