MONUMENTA ORPHANOTROPHII TRIDENTINI - Provincia Tridentina

secretarius, fuerunt in dicto valetudinario, et in conventibus Lastano, ac
perginensi. Faxit Deus optimus Maximus, quod deinceps nobis quid simile
numquam accidat. Amen.
======================================================
Continuazione del P. Vincenzo Maria Keller da Cles
======================================================
P. Ioannes Chrysostomus decessit e vita die quinta martii 1806, relicto
hoc Archivio incompleto. Sub finem eiusdem anni ego F. Vincentius Maria
rogatus fui ab ill.mo domino Hieronimo Comiet Salvetti tridentino tamquam
Ministro Fraternitatis huius, seu Orphanotrophii, ut opus feliciter inceptum,
ac prosecutum complerem. Itaque Dei auxilio fretus die 2 ianuarii currentis
anni 1807 opus mihi imperito sat quidem arduum aggressus sum, ad laudem
Dei Optimi Maximi.
139. Anno 1585, indictione decimatertia, die 5 novembris Tridenti, in
Contrata S. Benedicti in salletta domus infrascripti domini Ministri,
praesentibus ibidem magistro Stephano quondam Bartholomaei Montani
sartore, et habitatore Tridenti, et Iacobo quondam Valentini Maineti de
Mozenigo plebis Civezzani, coram spectabili domino Nicolao Clusolo
notario, et cive Tridenti, uti Ministro Fraternitatis Novae S. Mariae della
Misericordia. Ibidem constitutus Bernardinus Olava de Salodio habitator
Tridenti scutellarius, nomine uxoris suae donae Thomeae investitus fuit a
dicto domino Ministro de una parte domus situatae in Contrata S. Benedicti
per se,et successores suos titolo et nomine locationis perpetualis semper
renovandae in capite cuiuslibet decimi noni anni, ita ut singulo anno in festo
sancti Michaelis, vel eius octava dare debeat et solvere libras quinque in
ratione carantanorum duodecim nomine affictus perpetui. Maximilianus
filius quondam Petri Andreae Matthioli notarius Tridenti scripsit.
140. Anno 1555, indictione decimatertia, die sabbati sextodecimo
mensis martii Tridenti, Bernardinus filius quondam Iachemeli de Iachemelis
de villa Vatarii districtus Tridenti, per se, et haeredes suos iure proprio et in
perpetuum pro libero, et francho allodio dedit, et vendidit spectabili domino
Ioanni Baptistae de Blanchis Ministro, domino Oliverio de Oliveriis et
domino Francisco Franceschino de Marano his duobus consiliariis
Fraternitatis s. Mariae, omnibus civibus, et habitatoribus Tridenti,
acceptantibus, unum affictum perpetualem stariorum sex frumenti boni,
quem affictum ipse venditor posuit et constituit super una eius petia terrae
arativae, quantitatis stariorum quatuor seminis posita in pertinentiis Vatarii
apud domos; hocque firmatum est pretio rhenensium triginta sex, in ratione
324