MONUMENTA ORPHANOTROPHII TRIDENTINI - Provincia Tridentina

Cadeni, in loco dicto a Piazo sora alle Fornas, pretio rhenensium biscentum
et quinquaginta in monetis argenti bonis. Ser Ioannes filius quondam ser
Francisci Pederzolli dicti Gobetto de Cadeno se fideiussorem constituit.
Stephanus Dema notarius scripsit.
83. Anno 1566, indictione nona, in villa, et plebe Callavini districtus
Tridenti, et in stuba domus ser Antonii filii domini Bartholomaei Todeschi.
Praesentibus ipso ser Antonio, Ioanne Petro filio quondam Baptistae de
Bonfant de Rancio plebis Banalli dioecesis Tridenti, et Antonio filio
quondam Bertini dal Dos de dicto Callavino testibus. Petrus filius quondam
alterius Petri de Poulazis de Sancta Maxentia plebis Callavini districtus
Tridenti vendidit ser Petro, et ser Iacobo fratribus filiis quondam ser
Bartholomaei de Bassetis de Lasino dictae plebis Callavini, unum affictum
medii plaustri vini bulliti boni, et sufficientis, vel brentarum quatuor
braschati in electione dictorum emptorum, quem posuit super una eius petia
terrae arativae, et vineatae stariorum duorum cum dimidio seminis, posita in
pertinentiis Magnani, in loco dicto in Narasol, apud eius domum. Et hoc
nominatim pretio rhenensium trigintaquinque bonae monetae de Marano, in
tot auro, et monetis argenteis bonis, et expendibilibus. Promittens omni anno
dare dictis emptoribus medium plaustrum vini albi bulliti, vel brentas
quatuor braschati, ut supra. Ioannes filius quondam domini Philippi de
Iordanis de burgo Vezzani publicus imperiali,et apostolica authoritatibus
notarius Tridenti scripsit.
84. Anno 1613,indictione undecima, die mercurii vigesima septima
mensis martii, Tridenti, in Contrata Fossati, in sala domus, et habitationis
nobilium, et excellentis dominorum Andreae, et Iacobi fratrum de
Sardaneis. Praesentibus domino Hieronimo Micheleto cive Tridenti,
Leonardo filio magistri Orlandi de Todeschi infrascripti nobilis domini
Benedicti servitore, et Odorico filio Ioannis Mariae a Valle de Meano
testibus. Petrus filius quondam Ioannis Andreolli de Gazadina plebis Meani
vendidit nobili domino Benedicto Sardaneae de Meanperg civi Tridenti
unum affictum stariorum viginti cum dimidio frumenti, quem posuit super
una petia terrae arativa, et vineata stariorum duorum cum dimidio seminis in
circa, sita in pertinentiis Gazadinae, in loco dicto alla Chiesura. Item super
una petia terrae arativa unius starii seminis in circa, sita in pertinentiis
Gazadinae, in loco dicto al Prados in la Campagna, apud haeredes
quondam Andreae de Nardis, et Andreollum de Andreollis de Gazadina.
Item super una petia terrae arativa, et buschiva stariorum duorum in circa
seminis, in dictis pertinentiis, in loco dicto Drio al Dos de Santo Martino,
apud nemus ecclesiae Sancti Martini, et dominos fratres de Gerardis. Et hoc
296