MONUMENTA ORPHANOTROPHII TRIDENTINI - Provincia Tridentina

77. Anno 1605, indictione tertia, die dominico vigesima septima
novembris, in villa Cadeni. Praesentibus Ioanne quondam Antonii de Poulis,
et Ioanne Valandro ambobus de Cadeno testibus. Dominicus filius quondam
Petri Valersi de Cadeno vendidit ser Andreae quondam Dominici de Poulis
de Cadeno unum affictum stariorum sex frumenti, quem posuit super una
petia terrae arativa, et vineata quantitatis stariorum quatuor seminis, in
pertinentiis Cadeni, in loco dicto in Pesgauda retro domos,, pro pretio
rhenensium triginta sex in tot bonis usualibus monetis. Matthaeus
Bennassutus notarius civis collegiatus Tridenti scripsit.
78. Anno 1612, indictione decima, die martis sexta novembris, in
civitate Tridenti, in Contrata Longa, in stuba domus domini venditoris.
Praesentibus magnifico domino Dominico filio quondam domini Seraphini
Gallicioli mercatore civeque Tridenti, domino Ludovico filio quondam
Pecini dell’Ava de Salodio scutellario, et magistro Ioanne filio quondam
domini Francisci Bordonea sartore habitatoribus Tridenti testibus. Nobilis,
et magnificus eques dominus Philippus Lasinus civis Tridenti, filius
quondam spectabilis domini Ioannis olim notarii Tridenti, cum onere
solvendi tronos tres in pecuniis singulis annis in perpetuum anniversariis
ecclesiae cathedralis Tridenti, vendidit nobili, et magnifico militiae
capitaneo domino Alexandro Guelpho filio quondam nobilis, et magnifici
domini Francisci olim civis Tridenti, petiam unam terrae arativae, vineatae,
et partim grezzivae quatuor plodiorum cum dimidio circiter ad corpus, et
non ad mensuram, sed prout est, et reperitur, muro a duabus partibus
cinctam, cum domuncula intus, positam in pertinentiis Tridenti, in loco alli
Marochi drio Dos Trento, cui a mane cohaerent iura episcopatus Tridenti,
sive Dos Trento, meridie Polentonus, sero, et septentrione via communis,
pretio convento rhenensium mille tricentorum viginti, carentanorum
sexaginta pro quolibet rhenense. Ad cuius computum dictus dominus
capitaneus dedit, cessit, et in solutum tradidit praedicto domino equiti
Philippo in auro, et argento bono rhenenses quadringentos sexaginta. Item
torquem auream cum duobus salinis argenti aureatis valoris in totum
rhenensium centum viginti unius, sic appretiatam per dominum Ioannem de
Melis aurificem Tridenti. Item sex affictus etc. Quam venditionem idem
dominus Lasinus fecit causa potissimum dandi dotem dominae Barbarae
filiae suae nunc nuptae magnifico domino Federico de Philippis de oppido
Roboreti dioecesis tridentinae. Sebastianus Sicilianus notarius scripsit.
79. Anno 1617, indictione decimaquinta, die dominico quinta mensis
martii, Tridenti in Contrata Mercati Veteris, in stuba domus, et habitationis
infrascripti magnifici domini Gasparis. Praesentibus ser Dominico filio
293