MONUMENTA ORPHANOTROPHII TRIDENTINI - Provincia Tridentina

trium, et unius tertii frumenti, quem posuit super sua arativa vineata
stariorum quatuor, posita in pertinentiis Vighi praedicti, loco in Maurina.
Item alia arativa vineata duorum stariorum iacente in pertinentiis praedictis,
loco alla Pozza. Pretio renensium ducentorum, in realibus hispanicis
argenteis. Sebastianus Sicilianus notarius scripsit.
59. Anno 1619, indictione secunda, die lunae undecima martii, Tridenti,
in studio palatii episcopalis. Praesentibus nobili, et excell.mo domino Paulo
Cischis (sic) Sanctae Crucis cive Tridenti, nobili domino Fritio de Frizis de
Roboretto, et magistro Stephano Montano sartore Tridenti habitatoribus,
testibus. Illustris, et clarissimus dominus Maiolinus Bissacionius
honorandus Tridenti Praetor, sedens, per se, et successores suos, in
executione sententiae Castelliae latae super prioritate, et potioritate
creditorum haereditatis quondam domini Thomae Columbini acceptae per
dominam Lucretiam filiam, et haeredem quondam domini Valentini filii
praedicti domini Thomae, mediante domino Ioanne Antonio Perlato
venatore ill.mi, et r.mi domini, tutore, et victrico illius, pro dicta domina
Lucretia dedit, et in solutum tradidit nobili, et excell.mo domino doctori
Bomporto Crosinae tamquam procuratori ser Iacobi, et Antonii fratrum de
Franceschinis Viguli Basilicae, pro renensibus septuaginta duobus capitalis
cum incursis: nec non nobili, et excell.mo doctori domino Iob de Iob
sindico, et magistro Marco Marchetto fabro ferrario massario Fraternitatis
novae S. Mariae della Misericordia Tridenti, tamquam cessionariae domini
Ioannis Mariae Thin, pro renensibus octingentis sexaginta tribus, libris
tribus, carentanis septem, et uno betio, domum muris muratam, cuppis
coopertam, cum voltis, stubba, coquina, cella vinaria, et aliis
commoditatibus, in qua nunc habitat dominus Nicolaus Burattus, sitam in
civitate Tridenti, in Contrata Portellae, sive Sancti Ioannis prope Sanctam
Mariam Maiorem, apud nobilem dominum capitaneum Carolum Trilacum, a
meridie domum magnam dicti quondam domini Thomae Columbini, sero
viam communem Sancti Ioannis, septentrione aliam viam publicam versus
Portellam. Et hoc fecit pretio renensium novem centum triginta duorum, et
carentanorum triginta octo, iuxta aestimationem. Maximilianus Matthiolus
notarius scripsit.
60. Anno 1623, indictione sexta, die lunae vigesimo nono maii, in
civitate Tridenti, in Contrata Platheolae, in camera domus infrascriptae
dominae emptricis versus aulam magnifici domini Hieronymi Galicioli.
Praesentibus magistro Bartholomaeo Carterio cive Tridenti, magistro Ioanne
Maria Olle, domino Hieronymo Rassi, magnifico domino Dominico
Galiciolo, ac magnifico domino Ioanne Iacobo de Rubeis cive Tridenti
284