MONUMENTA ORPHANOTROPHII TRIDENTINI - Provincia Tridentina

unam petiam terrae arativam, et vineatam perticarum septingentarum, et
quinque, pedum duorum, positam in pertinentiis Tavernarii, in loco dicto al
Zendrat, apud Thomam Negriolum, et Christophorum de Thomasis,
mediante Fosso. Et hoc fecit pretio rhenensium quadringentorum de tronis
quatuor cum dimidio pro singulo rhenense. Affictum autem capitalis
rhenensium tricentorum et decem, solvendum magnifico domino Ioanni
Mariae Thino civi Tridenti, cui suppositus fuit dictus fundus al Zendrat,
transtulit super petia terrae arativa,et pro parte vineata, quantitatis plodiorum
trium circiter, cum dmumcula intus, ultra nemus, in pertinentiis Tavernarii,
in loco dicto alle Pozze. Bernardinus Bomportus notarius Tridenti scripsit.
Ioannes Gaudentius Gaudentus notarius collegiatusque Tridenti descripsit.
32. Anno 1630, indictione decimatertia, die martis decima octava iunii,
Tridenti in castro Boni Consilii, in auditorio Officii spiritualis. Praesentibus
venerabilibus presbyteris dominis Valentino Ritio parocho Aurae, Ioanne
Baptista Thisio parocho Vighi Vallis Annaniae, et Iacobo Zilberhoffer
parocho Trameni testibus. Publicata fuit sententia lata per perillustrem, et
R.mum dominum Petrum Bellum episcopum Hierapolytanum,
Suffraganeum, canonicum, Vicarium in spiritualium generalem, et
consiliarium Tridenti, in causa Fraternitatis Novae Sanctae Mariae
Misericordiae, ac monasterii S. Marci Tridenti, occasione affictus stariorum
trium frumenti, positi super una petia terrae arativae, sitae in pertinentiis
Vatarii, in loco dicto in Loré. Marcus Antonius Scutellius Curiae episcopalis
Tridenti cnacellarius scripsit.
33. Anno 1455, indictione tertia, die sabbati vicesimo sexto mensis
aprilis, Tridenti, in Contrata Portae Aquilae, in domo habitationis
infrascripti magistri Vigilii testatoris. Praesentibus honorabili viro domino
presbytero Angelo plebano ecclesiae Sanctae Mariae Magdalenae de
Tridento, ser Aluisio quondam nobilis, et generosi domini Aldrigitti de
Castro Barcho, ser Antonio dicto a Sale, quondam ser Odorici de Perzino,
Gotardo filio magistri Odorici sartoris de Busentino, Iohanne filio quondam
magistri Gobeti sartoris, Bonignolo filio quondam ser Gabrielis Passera, his
omnibus civibus, et habitatoribus Tridenti, Paulo filio Gabrielis Toschanelli
de Montagna de supra Tridentum, Petro filio quondam Iohannis de la Plaza
de Pinedo testibus, et aliis multis. Discretus vir magister Vigilius Piliparius
de Contrata Portae Aquilae, quondam magistri Symonis Piliparii de
Tridento, civis, et habitator Tridenti, sedens super uno bancho sanus mente,
et intellectu, licet debilis corpore, testamentum suum nuncupativum facere
procuravit. Iussit corpus suum honorifice sepeliri in cimiterio S. Petri de
Tridento, et in dicta ecclesia S. Petri fieri facere suum septesimum,
271