MONUMENTA ORPHANOTROPHII TRIDENTINI - Provincia Tridentina

venditori, et eius haeredibus reservato se quandocumque liberandi a
praestatione dicti census.
24. Anno 1660, indictione decima tertia, pontificatus Alexandri Papae
septimi anno quinto, die veneris 12 martii, Tridenti in Portellae Contrata,
sive prope palatium Praepositurae, perillustris, et R.mus dominus Franciscus
de Albertis canonicus praebendatus, et summus scholasticus, tamquam a
R.mo Capitulo ecclesiae cathedralis deputatus, investivit per tactum manus
magnificum dominum Bartholomaeum Galvagnum civem Tridenti,
tamquam massarium venerabilis Confraternitatis Sanctae Mariae de
Misericordia Orphanarum Tridenti, de una domo sita Tridenti in Contrata
Sanctae Mariae Maioris, sive Orphanarum, apud viam communem a mane,
et apud eamdem Confraternitatem a meridie, sero, et septentrione, quae alias
erat dominorum de Frizeriis, cum onere solvendi annuatim de livello
perpetuo Praebendae secundae Meani libras duas denariorum bonae
monetae de Marano. Presbyter Udalricus Thomasis capellanus in ecclesia
cathedrali Tridenti, publicus utraque auctoritate notarius, nec non Ill.mi, ac
R.mi Capituli Tridenti cancellarius scripsit.
25. Anno 1644, die 16 martii, in civitate Tridenti, in vico Sancti Marci,
in thalamo domus a Monte, Ioannes quondam Petri Boscherii a Busco plebis
Civezzani vendidit nobili domino Leonardo a Monte Ministro, et domino
Matthaeo Riccio massario venerabilis Confraternitatis Misericordiae
Orphanarum Tridenti, ius exigendi unum censum, sive affictum stariorum
triginta trium, et unius tertii frumenti ad taxam, et Constitutiones tridentinas,
quem posuit super sua arativa, vineataque stariorum sex iacente in
pertinentiis Garzani alli Vignali, sive Canevet, pretio renensium ducentorum
in ducatonis expensibilibus, pacto eidem venditori, et suis haeredibus
reservato, se quandocumque liberandi a praestatione dicti census. Pro
venditore fideiussorem se constituit Io. Baptista quondam Ioannis
dell’Orsola de Garzano.
26. Anno 1650, die 4 maii, Christanus filius quondam Christophori de
Polis de Besenello, incola Matarelli, vendidit pernobili domino Leonardo a
Monte tanquam Ministro venerabilis Confraternitatis Misericordiae
Orphanarum Tridenti, ius exigendi annuum censum, sive affictum
stariorum quadraginta duorum frumenti ad taxam, et Constitutiones
tridentinas, quem posuit super sua domo, et horto contiguo, positis in villa
Matarelli. Item super sua arativa, et vineata unius starii in circa, iacente in
pertinentiis Matarelli, loco sotto la Rozza. Demum super melioramentis suae
arativae, et vineatae in eisdem pertinentiis positae loco all’Armelinar
214