MONUMENTA ORPHANOTROPHII TRIDENTINI - Provincia Tridentina

1. Anno 1610, indictione octava, die lunae 22 mensis novembris, in
stuba, seu studio inferiori domus infrascripti nobilis domini capitanei
Alberti Balduini civis Tridenti, positae in Contrata Sancti Benedicti civitatis
Tridenti. Praesentibus nobili domino Alexandro Balduino cive Tridenti, et
magistro Hortensio Cobello fabro lignario, ac cive Tridenti, et Iacobo filio
magistri Andreae Brugnae vegetarii Tridenti testibus. Cum nobilis dominus
capitaneus Albertus Balduinus civsi Tridenti, uti maritus quondam nobilis
dominae Catherinae natae Luchinae, haeredis in eius vita tantum institutae a
quondam nobili domino Ludovico Luchino fratre, et sororio respective, de
eius bonis, ut in testamento rogato per egregium dominum Bartholoameum
Beltramum notarium Tridenti, ad quod etc., de dictis, ac de omnibus
administratis, ac solutis per eum dicto nomine, donec evenit casus
restitutionis dictorum bonorum, ob substitutionem factam per dictum
quondam nobilem Ludovicum in personam nobilis domini capitanei
Alexandri Luchini de Avisio, sua reddiderit computa magnificis dominis
Michaeli Ploz de Pressano iurisdictionis Chynisperghi, ac Bartholomaeo
Foppulo de Cusiano Vallis Solis dioecesis tridentinae, procuratoribus nobilis
domini capitanei Luchini, ac debitam satisfactionem praesentaverit, dictus
dominus Michael dicto nomine ac faciens vice, et nomine suprascripti
domini Bartholomaei, a quo tenet particulares literas, absolvit, et liberavit
dictum nobilem dominum capitaneum Albertum Balduinum ab ulteriori
redditione computorum, et administratorum dicta de causa. Matthaeus
Bennassutus filius quondam spectabilis domini Thomae Bennassuti notarii
civis collegiati Tridenti, publicus pariter notarius civis collegiatus Tridenti
scripsit.
2. Anno 1634, indictione secunda, die lunae septimo mensis augusti, in
civitate Tridenti, in Contrata de retro ecclesiam cathedralem Sancti Vigilii,
in thalamo domus canonicalis, et habitationis infrascripti perillustris, et
rev.mi domini Gentilotti. Praesentibus magnifico domino Dominico de
Pecinis, domino Ioanne Baptista de Dominicis, et domino Andrea de
Vitalibus ambobus servitoribus infrascripti rev.mi domini Praepositi
Gentiloti, testibus rogatis. Coram illustri, et clarissimo domino Ioanne
Angelo Castellio iurisconsulto de Bellasio Ducatus Mediolani, honorando
Praetore Tridenti, sedente etc., facta fuit transactio inter nobilem, ac
strenuum dominum capitaneum Albertum Balduinum, et venerabilem
Confraternitatem Domus Sanctae Mariae Misericordiae Orphanorum
Tridenti, occasione domus iacentis in Contrata Sancti Benedicti civitatis
Tridenti per eumdem dominum capitaneum possessae, tanquam
fideicommisso Luchino iam purificato suppositae: conventumque, quod
dictus dominus capitaneus det eidem venerabili Domui Orphanorum in
171