MONUMENTA ORPHANOTROPHII TRIDENTINI - Provincia Tridentina

42. Anno 1612, die 22 octobris, magnificus dominus Gaspar, filius
quondam magnifici domini Andreae Bizeri mercator Tridenti, sanus Dei
gratia, mente, sensu, visu, loquela, et intellectu, licet corpore infirmus,
addendo, mutando, et minuendo dispositis per ipsum in suo testamento, et
codicillis per me rogatis, disposuit, et ordinavit ut infra, firmis manentibus
in reliquis contentis in ipsis. Primo circa domum, in qua habitat, emptam a
nobilibus dominis Bassis, cum illam appretiaverit rhenensibus 3600, illam
tantummodo appretiat rhenensibus 3000, accipiendam per uxorem, ut in
primo codicillo, ita ut dominus Antonius a Monte illius sororius habere
possit illius medietatem spectantem libere ad dictum codicillantem pro sua
legitima, et tribellianica pro rhenensibus 1500, finito ususfructu eius uxoris,
solvendis in tribus terminis, et tribus annis proxime sequentibus post finitum
usufructum uxoris: solvendo interim in compensationem haeredibus
nominatis in testamento pro tempore retardationis in ratione rhenensium
quinque pro centum singulo anno. Et ita voluit pro multis servitiis ab eodem
habitis praesertim in hac infirmitate etc. Item iussit, quod dominus
Augustinus de Crucifissis possit se liberare ab affictu capitalis rhenensium
600 quem solvit dicto codicillanti in tribus vicibus. Item iussit, quod finito
usufructu uxoris, dominus Leonardus a Monte eius sororius possit acquierre
ab haeredibus nominatis in testamento petiam terrae arativam, prativam, et
vineatam, positam a Santo Giorgio, acquisitam a nobili domino Tabarello
pro scutatis mille de tronis septem pro scutato: et dictos haeredes aggravavit
ad illam relaxandam pretio scutorum mille: et etiam respectu domini
Antonii modo quo supra. Item iure Legati reliquit Augustino de Sandris de
Pinedo petiam terrae arativam, quam ipsemet laborat, valoris rhenensium
32, et Dominico fratri dicti Augustini reliquit debitum, quod habebat
adversus codicillantem de rhenensibus 18 vel circa:et Leonardo eorum fratri
reliquit rhenenses decem. Item iure Legati reliquit dominae Archangelae
uxori domini Dionisii Mantii, sorori illius uxoris, scutatos centum de tronis
septem pro scutato, solvendos tamen per haeredes finito ususfructu
praedictae dominae Franciscae illius uxoris, quod legatum fecit in
recompensationem obsequii ab eadem habiti in praesenti infirmitate. Item
iure Legati reliquit filiabus Silvestri Papae de Perzino, vel illis praedefunctis
illarum filiis, et haeredibus, domum positam in Contrata Alemana, cum
onere livelli super eadem constituti, quam habuit ex haeredibus quondam
dominae Margaritae Sparapanae: salvo tamen illius ususfruictu praedictae
dominae Franciscae uxoris suae toto tempore viate suae vidualis, et castae.
Barnabas Mantius notarius Tridenti scripsit.
43. Anno 1613, indictione undecima, die mercurii nona mensis ianuarii,
Tridenti in domo quondam magnifici domini Gasparis Bizeri. Praesentibus
156