MONUMENTA ORPHANOTROPHII TRIDENTINI - Provincia Tridentina

salutem, et apostolicam benedictionem. Considerantes nostrae mortalitatis
fragilitatem, et humani generis conditionem, districtique severitatem iudicii,
praecupimus fideles singulos iudicium ipsum bonis operibus, et piis
precibus praevenire, ut per illa eorum peccata deleantur, ipsique aeternae
felicitatis gaudia facilius consequi mereantur. Cum itaque sicut accepimus,
in ecclesia sanctae Mariae Misericordiae tridentina una pia, et devota
utriusque sexus Christi fidelium Confraternitas sub invocatione Hospitalis
Orphanorum dictae ecclesiae ad Dei Omnipotentis laudem canonice, non
tamen pro hominibus unius specialis artis instituta existat, cuius dilecti filii
confratres quam plurima pietatis, charitatis, et misericordiae opera exercere
consueverunt, nos cupientes, ut ipsi, ac pro tempore existentes dictae
Confraternitatis confratres in huiusmodi piorum operum exercitio
confoveantur, ac magis ad ea imposterum exercenda, necnon alii Christi
fideles ad dictam Confraternitatem ingrediendam peramplius invitentur, et
dica ecclesia in debita veneratione habeatur, ac ab ipsis Christi fidelibus
congruis frequentetur honoribus, illique eo libentius ad ecclesiam huiusmodi
devotionis causa confluant, quo ex hoc dono coelestis gratiae uberius
conspexerint se esse refectos, de Omnipotentis Dei misericordia, ac
beatorum Petri, et Pauli Apostolorum eius auctoritate confisi, omnibus et
singulis utriusque sexus Christi fidelibus vere paenitentibus, et confessis,
qui dictam Confraternitatem de cetero ingredientur, die primi eorum
ingressus, sui sanctissimum Eucharistiae Sacramentum sumpserint, ac tam
ipsis, quam ad praesens, et pro tempore existentibus dictae Confraternitatis
confratribus et vere paenitentibus, et si id fieri potuerit confessis, ac sacra
communione refectis, vel saltem contritis, in eorum mortis articulo nomen
Iesu corde, si ore nequiverint, invocantibus pariter vere paenitentibus, et
confessis, ac sacra Communione refectis, qui ecclesiam huiusmodi in
festivitate Circumcisionis Domini nostri Iesu Christi a primis vesperis usque
ad occasum solis diei festivitatis buiusmodi singulis annis devote
visitaverint, et ibi pro sanctae matris Ecclesiae exaltatione etc. pias ad Deum
preces fuderint, plenariam omnium peccatorum suorum Indulgentiam, et
remissionem apostolica auctoritate tenore praesentium concedimus, et
elargimur. Necnon ipsis confratribus similiter vere paenitentibus et
confessis, ac sacra Communione refectis, qui ecclesaim praedictam feria
secunad Resurrectionis dominicae, ac in Pentecostes, necnon Nativitatis
Domini nostri Iesu Christi, ac Purificationis beatae Mariae Virginis
festivitatum diebus etiam devote visitaverint, et ut praefertur oraverint,
septem annos, et totidem quadragenas. Postremo eisdem confratribus
quoties divinis officiis in eadem ecclesia more confratrum celebrandis, aut
Congregationibus publicis, vel secretis pro quocumque opere pio exercendo,
aut processionibus quibuscumque de licentia Ordinarii celebrandis, et
14