MONUMENTA ORPHANOTROPHII TRIDENTINI - Provincia Tridentina

simul cum domino Leonardo adulto filio suo vendidit, et tradidit domino
Gaspari eius genero aromatario, et habitatori Tridenti, filio domini Andreae
Bizeri de Perzino, seorsum a dicto eius patre habitanti, negotianti, et
aromatariam propria eius industria exercenti, unum affictum perpetualem
stariorum centum, et triginta trium, et unius tertii alterius starii frumenti ad
mensuram Tridenti, annuatim solvendum in festo sancti Micahelis, vel infra
eius octavam: quem posuit super uno filiorum suorum mansu nuncupato il
Maso dei Gasperetti, sito in pertinentiis Montis Vaccae apud Franciscum
Columbum dictum Paganin civem Tridenti, et vias communes, pretio
renensium octingentorum denarioreum bonae monetae maranensis: quod
pretium dictus dominus Gaspar solvit, et numeravit in tot auro, et moneta
argentea coram testibus praemissis, et me notario infrascripto. Cum pacto,
quod dicta venditrix, vel eius filii, et haeredes in perpetuum quandocumque
possint se redimere, et affrancare. Antonius Thicinus notarius, et civis
Tridenti scripsit. Sebastianus Sicilianus filius quondam domini Iacobi olim
civis Tridenti, publicus imperiali auctoritate collegiatus Tridenti notarius
descripsit.
9. Anno 1602, indictione decimaquinta, die veneris vigesima mensis
septembris, Tridenti in domo infrascripti domini Gasparis donantis.
Praesentibus ibidem domino Innocentio filio quondam domini Ioannis
Donati Micheletti, domino Augustino de Crucifixis, magistro Paulo de
Paulinis calceatore civibus Tridenti, Antonio filio quondam Gervasii de
Liliis de Quetta cerdone Tridenti, et Baptista filio quondam Francisci Figetti
habitatore Tridenti testibus. Dominus Gaspar filius domini Andreae Bizeri
de Perzino aromatharius Tridenti, sanus per Dei gratiam mente, sensu, visu,
loquela, et intellectu, ac corpore, ex causis, et rationibus animum suum
moventibus, attento consensu patris sui, prout in instrumento donationis per
ipsum factae, et rogato per me notarium, sciens vitam labilem, et caducam
esse, per infrascriptam donationem causa mortis de bonis suis disposuit, ut
infra. In primis quidem animam suam, cum e corpore migrare contigerit,
omnipotenti Deo humiliter, et pie commendavit: corpus vero suum sepeliri
iussit in ecclesia sub cuius quarterio mori contigerit, iubens sibi celebrari
septimum, trigesimum, et anniversarium iuxta illius conditionem, cum
Missis Gregorianis semel, ac Missis duabus ad altare Sanctae Maxentiae.
Item titulo donationis causa mortis dedit, et donavit ecclesiis Sancti Vigilii,
et Sancti Petri de Tridento mediam galetam olei pro singula semel tantum.
Item titulo, et iure donationis causa mortis dedit, donavit, et disposuit, quod
domina Francisca a Monte illius uxor, toto tempore vitae suae sit
usufructuaria domus, quam dictus disponens habuit ex haereditate quondam
dominae Margarethae Sparapanae in Contrata Alemana, cuius vita finita
134