volumnis xxxviii. pars prior. - Archive ouverte UNIGE

115 ORDONNANCES. 116
Item, apres la mort, de ne porter le corps en
sepulture plus tost de douze heures suivantes, ni
aussi plus tard de vingt quatre: et que premièrement
il n'ait esté visité par le commis à cela, qui
aura serment à la Seigneurie.
DE LÀ VISITATION DES MALADES.
Pour ce que plusieurs sont negligens de se
consoler en Dieu par sa parole, quand ils se trouvent
en [page 42] nécessité de maladio, dont advient
que plusieurs meurent sans quelque admonition ou
doctrine, laquelle lors est à l'homme plus salutaire
que iamai8: pour ceste cause avons avisé et ordonné
que nul ne demeure trois iours entiers gisant
au lict qu'il ne le face savoir au Ministre: et que
chacun s'advise de appeler les Ministres quand ils
les voudront avoir à heure opportune, afin de ne
les distraire de» leur office auquel ils servent en
commun en l'Eglise. Et pour oster toute excuse,
avons résolu que cela soit publié: et sur tout qu'il
soit faict commandement que les parents, amis et
gardes n'attendent pas que l'homme soit prest à
rendre l'esprit: car en telle extrémité les consolations
ne servent de gueres à la pluspart.
DE LÀ VISITATION DES PRISONNIERS.
En outre avons ordonné certain iour la sepmaine,
auquel soit faite quelque collation aux prisonniers,
pour les admonester et exhorter: et qu'il
y ait un des Seigneurs du Conseil député pour y
assister, afin qu'il ne s'y commette aucune fraude.
Et s'il y en avoit quelcun aux ceps, lequel on ne
voulust pas tirer hors, quand bon semblera au Conseil
il pourra donner entree à quelque Ministre
pour le consoler en presence comme dessus. Car
quand on attend qu'on les doive mener à la mort,
ils sont le plus souyent préoccupez si fort d'horreur
qu'ils ne peuvent rien recevoir ni entendre : ot le
iour de ce faire [pag 43] a esté député le Samedi
après disner.
L'ordre qu'on devra tenir envers les petits enfans.
Que tous Citoyens et habitans ayent à mener
ou envoyer leurs enfans le dimanche à midi au Catéchisme,
duquel a esté ci dessus parlé, .pour les
instruire sur le formulaire qui est composé à cest
usage: et qu'avec la doctrine qu'on leur donnera,
qu'on les interrogue de ce qui aura esté diet, pour
voir s'ils l'auront bien entendu et retenu.
Quand un enfant sera suffisamment instruict
pour se passer du Catéchisme, qu'il recite solennellement
la somme de ce qui y sera contenu : et ainsi,
qu'il face comme une profession de sa Chrestienté,
en presence de l'Eglise, et que pour ce faire on reserve
les quatre dimanches devant la Cène.
Devant qu'avoir faict cela, que nul enfant ne
soit admis à recevoir la Cène: et qu'on advertisse
les parents de ne les amener devant le temps. Car
c'est chose fort périlleuse tant pour les enfans q"ue
pour les pères, de les ingérer sans bonne et suffisante
instruction: pour laquelle cognoistre il eBt
besoin d'user de cest ordre.
Afin qu'il n'y ait fauto, qu'il soit ordonné que
les enfans qui viennent à l'escole s'assemblent là
devant midi, et que les maistres les meinent par
bon ordre en chacune parroisse.
[page 44] Les autres, que les pères les envoyent
ou facent conduire: et afin, qu'ils y ait moins de
confusion que on observe autant que faire se pourra
la distinction des paroisses en cest endroit, comme
il a esté dit cidessus des Sacremens.
Que ceux qui contreviendront soyent appeliez
devant la compagnie des Anciens ou commis: et
s'ils ne vouloyent obtempérer à bon Conseil, qu'il
en soit faict rapport à la Seigneurie.
Pour adviser lesquels feront leur devoir ou
non, que les commis susdicts ayent l'oeil dessus pour
s'en donner garde.
De l'ordre qu'on doit tenir envers les grands, pour
observer bonne police en l'Eglise.
D'autant qu'en la confusion de la Papauté plusieurs
n'ont esté enseignez en leur enfance, telle-*
ment qu'estans en aage d'hommes et dé femmes
ne savent que c'est do Chrestienté : nous avons ordonné
qu'il se face visitation chacun an par les
maisons, pour examiner chacun simplement de sa
foy, afin que pour le moins nul ne vienne à la
Cène sans savoir quel est le fondement de son salut:
et surtout qu'on ait l'oeil sur serviteurs, chambrières,
nourrices et gens estranges estans venuz
d'ailleurs ici pour y habiter: afin que nul ne soit
admis à la Cène devant qu'avoir esté approuvé.
Que la dicte visitation se face devant la Cène
de [page 45] Pasques et qu'on prenne assez bonne
espace de temps pour avoir loisir de la parachever.
Que les Ministres partissent entre eux, selon
qu'ils aviseront, les quartiers ausquels ils pourront
fournir, riïesmes qu'ils suivent l'ordre des dizaines;
et que chacun ait avec soy un des Anciens du Con-