volumnis xxxviii. pars prior. - Archive ouverte UNIGE

63 ORDONNANCES. 64
pour la premiere foys, de soixante solz et d'estre
mys en prison troys iours et troy nuictz en pain et
eau et de fere la reparation en presence des officiers
de la iustice aux mesmos lieux a deux genoux,
teste nue, en baisant la terre, demandant a Dieu
pardon de sondict despitement et renoncement de
Dieu: pour la seconde, six iours sus ladicte poine
comme dessus, et pour la troysiesme, d'estre mys
en prison troys iours comme dessus et après troys
heures au collier ou estre bampnys pour ung an de
la cité, a la discretion de nouzdicts très redoubtez
seigneurs.
Item que nul des delinquans. es choses predictes,
soit si ousé ne sy hardy de fere aulcunes resistance
ny rebellion aux reprehension et admonitions que
luy seront faictes iustement, ny moings icelies torner
ny mettre en mocquerie sus paine d'estre reprins
comme rebelles a Dieu et a iustice et chastier selon
l'exigence du cas à la double paine.
Item que ung chascung voyant ainsy iurer,
blasphemer, despiter et renoncer Dieu soit tenus et
doibge reprendre et admonester tel délinquant a
obéir aux présentes ordonnances et mesmes en ce
que Dieu sera grandement blaspheme, despite et
renoncé, doibge reveller a la iustice a la forme des
présentes ordonnances sus la poine de dix solz pour
ung chascun et une chascune foys.
Item et que nul hoste ny aultre ayant a souffrir
et encoures moings a receller les iurementz,
blasphemes, despitementz et renuncementz de Dieu
en leurs logis et habitations, mays les doibge
reveller et nottiffier a la iustice sus la poine de
soixante solz et d'estre mys en prison ung iour et
une nuict pour une chascune foys.
Edictz et cries a caïAe des blasphemes.
Passé le 25 de décembre 1552.')
Pource que non seullement par vains iurementz
mays aussy par grans, détestables, et damnables
blasfemes, despitementz et renoncementz de Dieu
lhonneur de Dieu est grandement offencé, qu'est
tresfort scandaleux, singulièrement en la religion
crestienne, surquoy le magistrat doibt estre de grand
zèle esmeu a y pourvoir sus et devant toutes choses
humaines, pour reprimer tieulx iurementz, blasfemes,
despitementz et renuncementz de Dieu, affin
que l'exclamation de Isaie contre les dominateurs
de la terre ne soit estendue sus ledict magistrat a
1) Cest-à-dire 1551 nouveau style.
deffaulte de non avoir de tout povoir reprimé tieulx
blasfemes détestables: Donc sur celaveullianspourveoir
de deffences et cries publicques en l'honneur
de Dieu comme sensuit.
Des vains iurementz.
Lon vous faict ascavoir etc. que nul ne soit
ousé ne sy hardy de iurer le nom de Dieu sus
paine pour la premiere foys de bayser terre et crier a
Dieu mercy et de cinq solz: pour la seconde, de
rebaiser terre a genoulx en criant a Dieu mercy et
de dix solz: pour la troysiesme foys de soixante
solz et d'ung iour et une nuyct en prison en pain
et eau.
Des blasfemes, despitementz et renuncementz.
Item que nul soit ousé ne sy hardy de blasphemer
ny moings despiter ny renoncer Dieu son
créateur en nulle sorte que se soit, sus la paine
pour la premiere foys de estre mys en prison deux
iours et deux nuictz en pain et eau, de baiser la
terre publicquement demandantz a Dieu mercy et
de vingtz solz: pour la seconde foys de estre remys
et detenuz troys iours et troys nuictz en pain
et eau et en fin d'estre mené par les officiers au
lieu mesme qu'il aura blaspheme, despite ou renoncé
Dieu, pour aulcunes reparations et la rebaiser terre
a genoufz, teste nue, demandant a Dieu mercy et
de soixante solz. Et Enablement si tel estoit et se
trouvoyt persévérant en ce sans se vouloir corriger,
emender ny abstenir de tieulx vices ') sur la poyenne
de l'indignation de Messeigneurs et estre chastié
par la seigneurie iouxte le démérite du cas.
Item que ung chascung de quelle qualité et
condition qu'ilz soit, ouyans ainsy iurer, blasphemer,
despiter ou renoncer Dieu, les doibge reprendre et
admonester amyablement et doulcement sans luy
donner occation de plus avant blasphemer, ains le
doibge induyre a obéir a Dieu et aux présentes ordonnances,
et aussy les reveller a la iustice mesmes
en ce que Dieu sera grandement blasphémé,
sans cella receller ny souffrier en sorte que ce soit,
sus la poyne de la desobeyssance de justice et de
dix solz pour une chascune foys.
Item et que si telz delinquantz se rebellent et
resistent aux predictes admonitions et reprehensions,
icelies tornantz et mettantz en mocquerie et mesprie
de la iustice qui soit pugnis iouxte le démérite du
cas et sus la indignation de Messeigneurs.
1) La texte primitif continuait ainsi: que soit bampnys
de ceste cité pour an et iour après avoir soubstenus la susdicte
poyne sus declairée, ou de estre mis au collier troys
heures a la description {discretion) toutesfoys desdictz tresredoubtez
seigneurs, mais ces mots sont effacés et remplacés par
ce qui suit sans qu'on ait eu soin d'établir une liaison.