volumnis xxxviii. pars prior. - Archive ouverte UNIGE

61 ORDONNANCES. 62
nuiet au pain et à l'eau a cause de sa rebellion, et
celuy qui tournera telle paine en mocquerie ou qui
ne se corrigera point de sa mauvaise coustume, soit
pugny de trois iours de prison, comme diet a esté.
Que les tesmoings qui aurontouy telz sermens frivoles
exhortent celuy qui aurafailly, d'obeyr quant
on l'aura averty de baiser terre. Que ceulx qui ne
feront point leur debvoir ou qui levouldront maintenir
soient pugnis de semblable paine que le délinquant.
Des blasphemes.
Que nul n'ayt a blasphemer le nom de Dieu:
quiconques le fera soit ung iour et une nuict en
prison au pain et a l'eau, et a la sortie vienne demander
pardon a Dieu a la porte du temple le plus
prochain du lieu ou il aura delinqué et ce a deux
genoilz, la teste nue, en presence de quelqun de
la iustice, oultre cela paie ung florin d'amende, la
moitié applicqué a l'hospital et l'autre moitié a la
banche.
Pour la seconde fois, qu'il y ait prison de trois
iours au pain et a l'eau, et qu'il demande pardon
a Dieu a l'issue du sermon, et si sa faculté le porte
qu'il y ayt amende de cinq florins.
S'il continue ne s'amendant point, oultre telles
punitions, qu'il soit banny de la ville pour demy
an, et ceulx qui seroient en office publicque déposez
pour ung an de tout honneur.
Que les tesmoings qui auront ouy telz blasphemes
soient tenus le reveller sur paine d'estre
pugnis comme le délinquant.
De despiter Dieu.
Que nul n'ayt a despitter le nom de Dieu sur
paine d'estre mis au colier par l'espace de trois
heures et de la en prison au pain et a l'eau iusques
au dimenche prochain et que lors il soit amené a
la porte de l'église pour demander pardon a Dieu,
la torche au poing: Quiconques y retournera pour
la seconde fois, qu'il soit fletry et banny de la
ville.
Des renoncemens de Dieu.
Quiconques aura renoncé Dieu, qu'il soit mis
au colier par l'espace de six hères, de la mené par
les carrefours la torche au poing pour faire amende
honorable, puis fletry au front et banny a perpétuité.
Que les hostes n'ayent a souffrir et encores
moins a receller les blasphemes faietz en leurs U>
gis, sur paine de tenir prison trois iours au pain et
a l'eau et paier cinq florins d'amende.
Que celuy qui aura réitéré plusieurs fois les
blasphemes sur le champ soit pugny au double
quant a la prison et amende.
Et afin que tels edietz soient observez, que le
seigneur Lieutenant estant adverty du delict puisse
appeller a serment ceulx qui auront esté presens
pour en rendre tesmoignage, encores que nul ne se
face partie.
Le 23 novembre 1551,
en Petit Conseil.
Des blasphemes.
Des sermens frivolles.
L'on vous faict ascavoir de la part de noz magnifficques
et tresredoubtez seigneurs sindicques et
conseil de Geneve, qu'il est expressément deffendus
a ung chascun, que nul de quelle qualité et condition
qu'il soit ne soit ousé ne si hardy de iurer le nom
de Dieu sus la poyne, pour la premiere foys, de
baiser terre et crier a Dieu mercy, pour la seconde
de rebaiser terre a genoulz en criant a Dieu mercy
et de dix solz, pour la troysiesme fois de soixante
solz et d'ung iour et une nuict en prison en pain
et eau: et pour la quatriesme foys de estre prive
de la cité pour troys moys avecq la paine dessus
prochainement narrée.
Des blasphemes.
Item que nul de quelle qualité et condition
qu'il soit, soit ousé ne si hardy de blasphemer le
nom de Dieu en quelque sorte que ce soit, sus la
paine pour la premiere foys, d'estre mys en prison
ung iour et une nuict en pain et eau, de baiser
terre a deux genoulx demandant a Dieu pardon a
teste nue et de dix solz. Pour la seconde, de estre
mys en prison deux iours et deux nuict en pain et
eau et rebaiser et demander pardon comme dessus
et de vingtz solz. Pour la troysiesme foys, d'estre
remys et detenus eu prison troys iours et troys
nuietz en pain et eau et de estre mené par les
officiers au lieu mesmes qu'il aura blasphémé et
illech fere reparation de tel blaspheme en baisant
la terre a deux genoufz, la teste nue en signe de
repentence et de soixante solz. Pour la quattriesme,
de estre privé de la cité pour six moys, ioinct
la paine dessus prochainement declairée.
De despitementz et renoncementz de Dieu.
Item que nul soit si ousé ne si hardy de despiter
ny renoncer Dieu son créateur, SUB la poine