volumnis xxxviii. pars prior. - Archive ouverte UNIGE

39 ORDOH
Du terme d'accomplir le mariage après la promesse
faicte.
Apres la promesse faicte, que le mariage ne soit
point différé plus de six sepmaines, aultrement
qu'on appelle les parties au consistoire pour les
admonester: s'ils n'obéissent, qu'ils soyent renvoyez
par devant le Conseil, pour estre contrainctz à le
célébrer. l )
Des annonces et dépendances d'icelles.
Que les annonces soyent publiées par trois dimenches
en l'esglise devant que faire le mariage,
ayant premièrement la signature du premier syndique
pour attestation de cognoissance des parties,
tellement neantmoins que le mariage puisse estre
fait à la troisième publication. Et s'il y a l'une
des parties qui soit d'aoltrc paroisse, qu'on ayt
aussy bien attestation dudict lieu. Que s'il se faisoit
quelque opposition, le ministre remette l'opposant
par devant le Consistoire au premier iour, et
l'admoneste d'y faire citer sa partie. Toutesibis,
que nul ne soit receu à opposition sinon estant de
la ville ou autrement cogneu, ou ayant quelcun de
cognoissance avec soy, et ce pour éviter que quelque
avole ou vacabont 2 ) ne face vitupère ou dommage
a quelque fille honneste, ou du contraire. Que si
l'opposant ne se trouvoit au iour qu'il auroit esté
remis, qu'on procède aux annonces et au mariage,
comme s'il n'y estoifc intervenu nul empeschement.
Pour éviter toutes fraudes qui se commettent
en cest endroict, que nul ostranger venans de pays
loingtain ne soit admis a mariage, sinon qu'il ayt
bon et certain tesmoignage ou de lettres ou par
gens de bien et dignes de foy qu'il n'est point marié
ailleurs, et mesme de sa bonne et honneste conversation.
Que le semblable s'observe 3 ) envers les
filles ou les femmes.
Que durant les fiancealles 4 ) les parties n'habitent
point ensembles comme mary et femme, iusque
a ce que le mariage ayt esté beneit en l'esglise à
la façon des Chrestiens. S'il s'en trouve aucuns
qui ayent fait du contraire, qu'ilz soyent punis par
prison de trois iours au pain et a l'eau et appelles
au Consistoire pour leur remonstrer leur faulte.
De la celebration du mariage.
Que les parties au temps qu'ilz doyvent estre
1) Les mêmes copies contiennent ici plusieurs additions
sur les oppositions au mariage.
2) ou vacabont, addition d'une autre main. Les deux
teintes postérieurs ont simplement: pour éviter que quelqu'autre
* ne face etc. De même ils lisent: ou ayant quelcun le cognoissant
avec soy.
3) Ibid. soit faict.
4) fiançailles, ibid. Cet article se trouve de nouveau dans
le chap, des annonces, dans ces copies.
ANCES. 40
espousez viennent modestement en l'église, saDs
tambourins ne menestriez, tenant ordre et gravité
convenable a Chrestiens, et ce devant la fin du son
de la cloche, afin que la benediction du mariage
se face devant le sermon. S'ilz sont negligens et
qu'ilz viennent trop tard, qu'on les renvoyé.
Qu'il soit loisible de célébrer tous les iours leis
mariages: assavoir les iours ouvriers au sermon
qu'il semblera bon aux parties, le dimenche au sermon
de l'aube du iour, et do trois heures après
midy, exceptés les iours qu'on célébrera la cène,
afin que lors il n'y ayt aucune distraction et que
chascun soit mieux disposé a recevoir le sacrement.
De l'habitation commune du mary aveo la femme.
Que le mary ayt sa femme avec soy et demeurent
en une mesme maison, tenans un mesnage
commun. Et s'il advenoit que l'un se retirast d'aveo
l'autre pour vivre a part, qu'on les appelle pour
leur en faire remonstrance, et qu'ilz soyent contraincts
de retourner l'ung avec l'autre.
Si ung mary ') ne vit point en paix aveo sa
femme, mais qu'ilz ayent questions et debatz ensemble,
qu'on les appelle au Consistoire pour les
admonester de vivre en bonne concorde et union,
et remonstrer a chascun ses faultes selon l'exigence
du cas.
Si on cognoit qu'un mary traicte mal sa femme,
la battant et' tourmentant, ou qu'il la menasse de
luy faire quelque oultrage et qu'on le cognoisse
comme de cholere desordonnée, qu'il soit renvoyé
par devant le Conseil, pour luy faire deffenses expresses
de ne la battre, soub certaine punition.
Pour quelles causes ung mariage doit estre declairé
nul.
S'il advient qu'une femme se plaigne que celuy
qui l'aura prinse en mariage soit maleficié de
nature, ne pouvant avoir compaignie de femme, et
que cela se trouve vray par confession ou visitation,
que le mariage soit dcclairé nul, la femme declairée
libre et deffenses faictes a l'homme de ne
plus abuser nulle femme. Toutesfois, *) afin d'éviter
que nulle colusion ou intelligence par tromperie
ne s'y face, qu'on enquiere diligemment de toutes
les circonstances iusques a ce que le cas soit deuement
vérifié.
Pareillement si l'homme se complainct de ne
pouvoir habiter avec sa femme par quelque deffault
qui sera en son corps et qu'elle ne veuille souffrir
1) Cet article et le suivant sont insérés, dans les textes
cités, dans le chap, des degree d'affinité à la suite de F article
qui dans notre texte porte le titre: aultre empeschement.
2) La fin de cet article est omise dans les copies susdites.