volumnis xxxviii. pars prior. - Archive ouverte UNIGE

305 1538 DECEMB. 306
avons pareillement pense et iuge que vous entendissiez
asses le bon vouloir que nous avons pour
vous faire service et a vostre republique, parce que
sans aulcun regard de ce que nous laissions, mesme
estant bien asseurez que nous aurions beaucoup de
labeurs, sommes venuz a vous par le bon consentement
des magnifiques seigneurs ausquelz nous
estions et nous sommes entièrement efforcez selon
le debvoir de nostre office do reduyre vostre peuple
a bonne paix et union, auquel certes avons trouve
affections trop particulières et dommageables non
seulement au cours de levangile, mais aussy a la
conservation et entretenement de vostre ville et republique.
Or nous sommes présentement certains que
nostre fidélité et leaulte en nostre ministère et nostre
bon vouloir vers vous et vostre republique n'est
ne n'a este par grand nombre de gens ainsy receu
quil debvoit: ains avons este et sommes iournellement
reputez pour infidèles papistes et corrupteurs
de lescripture et pour telz qui vouldrions decepvoir
vostre peuple, qui nous est chose trop dure a porter.
Cecy savons nous pour certain parce que plusieurs,
mandez devant vos Seigneuries pour rendre
raison de ce quil vous plairait les interroguer, ont
reiecte toute leur faulte sur nous, tant pour nos
personnes en particulier que pour nostre ministère.
Ainsy sommes a tort blasmez non point en nostre
presence seulement, mais en la vostre et de vostre
noble conseil, reiectant comment diet sur nous toutes
leurs faultes et insolences lesquelles sont plusieurs
et grandes. Ces choses considérées et que
liniure ne tourne point sur nous tant seulement
mais aussy et plustost sur vous et vos ordonnances
et mesme de toute la reformation des églises de la
Germanie et signantement de leglise de Berne a laquelle
conformément avez faict ordonnance pour la
vostre: et nous conformément a leur doctrine qui
est purement evangelique avons presche et preschons
a vostre peuple, estans certains par la parolle de
Dieu que ce que nous enseignons est très veritable,
et neantmoins que nostre ministère nest point seulement
inutile mais aussi tourne en contemnement et
mocquerie. Et davantage que vostre ville et republique
Galvini opera. Vol X. P. II,
a raison de telles partialités tournerait en dangier trop
apparent, et que noz personnes aussy ne seroient en
seurete au millieu de tant de malvueillans, ce que
ne priserions pas beaucoup attendu quil ne viendroit
aulcun fruiot ou ediffication. Donc humblement
vous supplions, magnifiques Seigneurs, prenans
toutes choses en bonne part et comme procédantes
de. tresbon cueur envers vous et vostre republique,
quil vous plaise commander que les causes
et raisons pour lesquelles nous avons este et
nostre ministère blasmez devant vos Excellences
nous soyent baillées par escript et signées par monsieur
vostre Secretaire et que les noms de ceulx qui
auroient porte telles parolles soyent enregistrez par
devers vous pour y pourveoir comme de raison.
Oultreplus supplions humblement vous vouloir contenter
de si peu de service que nous avons peu
faire a vous et a vostre peuple, vous certifians quil
a este droict et fidelle et partant dun bon et veritable
cueur. Et pour ladvenir quil vous plaise si
vous voyez que bon soit vous pourveoir daultres
ministres ausquelz Dieu doint la grace de bien persévérer
que en grands labeurs nous avons bien continue.
Car nous ne porrions plus faire fruietz en
ce lieu telz que desirons, estant les choses en tel
desordre. Et toutesfoys ne vous entendons point
laisser si aultrement ne vous plaist, iusqua ce que
vous soyez pourveuz daultres, qui sera en tel temps
quil vous plaira nous ordonner et signifier: promettans
neantmoings que en tout temps et lieu ou
nous serions que nous demeurerons vos bons et
féaux serviteurs et amys et de vostre noble ville
et cite. Et pour la fin nous prions quil vos plaise
avoir regard a toutes choses, faisans diligence de
pourveoir partout selon vostre grande sagesse prudence
et vertu. *) Le dernier iour de décembre 1538.
Iehan Morand.
Anthoine de Marcourt.
Iacques Bernard.
Henry de la Mar.
155. 1) Pour plus de détails historiques voyee Buchat, V.
100. Kampschulte I. 349 s.
20