volumnis xxxviii. pars prior. - Archive ouverte UNIGE

283 EPISTC
de mentir: ail a plu a nostre seigneur nous faire
yeoir chose si griefve voire plus que la mort, si ne
nous a il point deslaissez et ne nous az mis totallement
en la main de lennemy, mays nous prouvant a eu
de nous pitié sachant nostre cueur, comment et en
quelle affection le servons et quest ce que nous
cherchons. le vous ay escript ce que encore desire
estre devant vous yeulx et quen ayez souvenance,
ascavoir que Dieu par vostre ingratitude et mespris
de sa parolle qui na porte dignes fruytz en vous,
et que navez voulu obéir entièrement a icelle, mays
avez clochez dung coste et daultre et fayt ce que
vous sembloyt de fere et laultre laissez, ce que
Dieu a en grand desplaisir et regret. Il vous a
mys en lestât ou vous estes et ce que craigniez la
fait venir .sur vous, et que si ne vous retornez et
ne demandez mercy et miséricorde, encores en sentirez
davantaige. Pour quoy vous ay prie et vous
prie de rechief aue tous grans et petits hommes et
femmes vous humblement iettez devant Dieu en
ieusnes prières et oraysons de grande instance et
affection, luy demandant miséricorde et grace, luy
priant et suppliant quil aye pitié de vous, quil
destorne son ire dessus vous comme de ses povres
enffants ainsy povrement constituez comment estes
ausquelz il az fayt veoir choses si dures et tant
desplaisantes, une telle exfusion et si grosse iniquité
et que ne criez après lung et laultre en sàtisfaysant
a vostre ire et corroux, accusans ung tel, disant
ung tel meschant est cause de cecy, mais vous
mesmes mettez toute la coulpe sur vous, attribuez
vous tout le pèche et vous accusez devant Dieu:
car le fondement aulcungs dentre vous Ion mys et
les aultre ont ediffiez sus vostre ruyne et confusion
que sera plus grande cy ne vous humiliiez et cy
oseriez et demandez grace et miséricorde. Ne regardez
la rage et foroenement des povres transportez
de sens et entendement pour en mesdire pour les
détester, ne demander ne procurer vengeance sus
eulx pour acomplir vostre désir. Ayez souvenance
de la grosse et tant excellente grace que le bon
Dieu a faytz a ce detestable traistre qui tant avoyt
machine de mal contre la ville, tant fayt tuer
dinnocens pour trouver occasion soub lombre de
droyt de fayre tout perdre, en sorte que personne
ny pense que ne soit tout estonnez, et ce nonobstant
Dieu luy az donnez congnoissance, et comme avez
veu luy az fayt grace dinvoquer son sainct nom,
donner gloyre a la parolle et invoquant layde de
Dieu finir ses iours. Voudriez vous que le diable
leust prins et porte en enfert, quil fust mort tant
tormentez que mainez de rage il eust invoquez le
diable et fust mort désespère? Navez vous point
eu pitié de luy en voyant la grace que Dieu luy
avoyt faitte? Mays si vous fussiez este bien aises
que il ne fut tumbe en tel inconvenient et sy sans
IAE 150 284
contrevenyr a lordre de Dieu quil az ordonne en
iustice, ce peu 3 ) fayre quil eust vescuz sainctement
et purement entre vous. O mes frères gardez vous
de ainsy détester et mal dire des povres deffallians
mays priez Dieu pour eulx. Faittez faittez leur
tout bien et service pour les retirer et gaigner a
nostre Seigneur, et en toute doulceur et bénignité
cheminez gardans charité envers tous, desclairez
par bonne charité et vraye dilection questes enffants
de Dieu et vrays membres du corps de crist, ne
gardez auleugne raneugne ne picque damertume ne
dire en voz cueurs, et ne considérez ce quon a
faict et quon fait iournellement, mais iettez vous
yeulz a Iesus qui prie pour les povres miserables
qui le mettent a mort. Suyvez suyvez Iesus et
non vous affections, fautes violence a vous mesmes,
ronpez vous cueurs et les destornez dire 4 ) a vraye
charité envers tous et amys et ennemys, ne considérez
lindignitez de ceulz pour lesquelx vous
priez ne ce quil font et quil hpnt fait, mais la
dignité excellence et ce qui est de vostre père
celestiel qui le commande, qui tant a fait pour vous
quant vous estiez ses ennemys, donnant son filz
pour vous: faictez donc pour lamour de luy du
tout regardant a luy et non aux hommes. Dieu
vous soit reigle et sa saincte volonte a laquelle ayes
esgard et non le povre homme et ce que est en luy.
le vous prie mes tresaymez et tant chers frères que
ne soyez transportez par voz affections plains dicelles
pour parler et dire comment laffection de la
chair porte: mais soiez menés et conduytz par la
doulceur du sainct esperit duquel estans plains
cheminez selon son sainct movement en produisant
les fruytz que viegnent de luy, qui ne sont ne detrations
ne haines ne blasphemes ne palliardises ne
larrecins ne vengeance, mays sainctes et douces admonitions
en charité ardante qui ne pence et ne
parle quen bien de tous, loing de toute souillieure
sans fayre tort a personne, tachant au bien et utilité
de tous, comme le sainct apostre bien desclaire.
Oecy grandemant ay desire et desire de present
en vous: si cecy est suciter et persévérer a picquer
et résister pour confondre les gents avec Iesus
ainsy veulx persévérer : si en commung ni en particulier
ay aultrement escript ne que aultrement
ay admoneste quon le die ouvertement. Dieu soay
combien quentre vous en y a que iayme en nostre
seigneur et lesquelx par lettres particulières vouldroys
grandement viziter et consoler: ce nonobstant
ne lay voulu faire envers personne qui soyt de la
ville pour fermer la hoche a tous, et a cause que
suys sertain que rien nest escript a plusyeurs qui
ne soit manifeste a tous que le veuille scavoyr,
3) se peut.
4) d'ire.