volumnis xxxviii. pars prior. - Archive ouverte UNIGE

253 1538 OCTOB. 254
vous regarder et considérer vous mesmes, et tellement
considérer, que vous recongnoissiez combien
de vostre part vous avez deservy de recepvoir une
telle visitation, pour chastier vostre negligence, le
mespris ou bien la nonchallance de la parolle de
Dieu qui estoit entre vous, la paresse a la suyvre
et luy rendre sa droicte obéissance. Car vous ne
vous pouvez excuser qu'il n'y aict eu beaucoup de
faultes en toutes manières: et combien qu'il vous
soit facile de vous iustifier aulcunement devant les
hommes, neantmoins devant Dieu vostre conscience
se sentira chargée. En ceste manière ont faict les
serviteurs de Dieu en leurs tribulations, c'est que
de quelque part qu'elles leurs vinssent, ilz ont tousiours
converty leurs pensées a la main de Dieu, et
a leurs propres vices, recongnoissans en eux mesmes
la cause estre assez suffisante pourquoy le Signeur
les deust ainsi affliger. Daniel entendoit bien
quelle avoit esté la perversité du roy de Babylon
de destruire et dissiper le peuple de Dieu, seulement
pour satisfaire a son avarice, arrogance et
cruaulté; quelle estoit son iniquité en les opprimant
iniustement. Neantmoins voiant que la premiere
cause estoit en eux mesmes, d'aultant que les Babyloniens
ne pouvoient rien a l'encontre d'eux, sinon
par la permission du Signeur, pour suyvre et
tenir ung bon ordre, il commence par la confession
de ses faultes et de celles des roys et du peuple
d'Israël. Si le Prophète s'est ainsi humilié, advisez
combien vous en avez plus grande matière, et s'il
luy a esté nécessaire de faire cela pour obtenir miséricorde
de Dieu, quel aveuglement ce seroit a
vous de vous arrester en l'accusation de voz ennemyz,
sans aulcunes recongnoissances de voz faultes,
lesquelles passent de beaucoup celles du prophète.
Quant a nous, s'il est question de débattre nostre
cause contre tous les iniques et calumniateurs
qui nous vouldroient charger, ie scay que non seulement
nostre conscience est pure pour respondre devant
Dieu, mais nous avons suffisamment de quoy
nous purger devant tout le monde. Et ceste asseurance
avons nous assez testifié, quant nous avons
demandé de respondre, voire devant noz adversaires,
a toutes choses qu'on nous voudroit imposer.
Il fault qu'ung homme soit bien garny de ses iustifications,
quant il se présente en telle manière,
estant inférieur en toutes choses, sinon en la bonne
cause. Toutesfois quant il est question de comparoistre
devant Dieu, ie ne fais pas de doubte
qu'il ne nous aict humilié en ceste sorte, pour nous
faire rccongnoistre nostre ignorance, imprudence, et
les aultres infirmitez que de ma part i'ay bien
sentyes en moy, et ne fais difficulté de les confesser
devant l'Eglise du Signeur. En cela faisant il ne
nous fault craindre que nous ne donnions l'advantaige
a nos ennemyz, car Daniel n'a pas iustifié I
Nabuchodonosor en attribuant aux péchez des Israelites
l'oppression qu'ilz souffroient soubz sa tyrannie,
mais plus tost l'a confondu, monstrant qu'il
estoit comme ung fléau de l'ire de Dieu, ainsi qu'est
le diable et ses suppostz. Non plus de danger y
a il que nous submettions nostre cause a vitupère
ou en opprobre. Car si nous nous sommes présentez
de satisfaire devant toutes les Eglises, et remonstrer
que nous avions deüment et fidèlement
administré nostre office, et encores de iour en iour
nous l'offrons, ce n'est pas signe que nous leur donnions
a mordre ne detracter sur nous, et si nous
ne les pouvons empescher de mesdire, comme aulcuns
d'eux sont transportez non seulement d'intempérance
mais de pure rage, nous scavons quelle
promesse nous est donnée que le Signeur fera apparoistre
nostre innocence comme l'estoile premiere
du iour, et fera reluire nostre iustice comme le soleil.
Ceste confiance pouvons nous hardiment prendre,
quant il est question de combattre contre les
iniques, combien que nous soions de beaucoup redevables
envers la iustice du Signeur.
Cependant en nostre humilité et deiection nostre
Signeur ne nous délaissera pas, quil ne nous
donne consolation très ample pour nous maintenir
et conforter, Et mesmes l'avons nous desia toute présente
quand il est diet en son Escriture, que les
castigations qu'il envoie a ses serviteurs, sont pour
leur bien et salut, moiennant qu'ilz les puissent
bien prendre. Pourtant, mes frères bien aymez,
revenez tousiours a ceste consolation, Combien que
les iniques se soient efforcez de mettre une ruine
en vostre Eglise, combien que voz faultes et offenses
aient mérité plus que vous ne pourriez endurer,
neantmoins que nostre Signeur mettra telle fin aux
corrections qu'il vous a envoyé, qu'elles vous seront
salutaires. Son courroux envers son Eglise, d'aultant
qu'il n'est que pour la réduire a bien, 6 ) se
passe en ung moment, diet le prophète: sa miséricorde
au contraire est éternelle, mesmes iusques
aux generations futures, car des pères il Testend
aux enfans, et aux enfans des enfans. Begardez
voz ennemyz, vous trouverez évidemment que toutes
leur voyes tendent a confusion, et neantmoins
il leur semble bien advis qu'ilz sont au bout de leur
entreprise. Ne vous desconfortez point doneques
en ce qu'il a pieu a nostre Signeur de vous abaisser
pour ung temps, veu qu'il n'est pas aultre que
l'Escriture le testifié estre, c'est qu'il exalte l'humble
et contemptible de la poulsiere, le pauvre de la
fiente, qu'il donne la couronne de ioye a ceux qui
sont en pleurs et larmes, qu'il rend la lumière a
ceux qui sont en ténèbres, et mesmes qu'il suscite
6) wne main plus récente a corrigé: rien, (quia ipsam
perdere non cogitât). — to bring her back to welldoing.