volumnis xxxviii. pars prior. - Archive ouverte UNIGE

25 ORDONNANCES. ' 26
venoita) que la ville fast visitée de ceste verge
de dieu.
Au surplus pour empescher la mendicité, laquelle
est contraire a bonne police, jl seroit bonb)
et ainsy havons ordonne que jl ay lun de nous officiers
a lisBue des esglises pour oster ceulx de la
place qui vouldroient belistrer, c) et si c'estoient
affronteurs, ou quilz se rebecquassent, les mener a
lung de messieurs les syndicques. Pareillement que
au reste du temps les dizeniers y prinsent garde que
la deffence de ne point mendier feust bien observée.
Des sacremens. d)
Que le baptesme ne se face que a lheure de la
predication, et quil soit administre seulement par
les ministres ou coadiuteurs, et quon enregistre les
noms des enfans avec les noms de leurs parens, que
sil se trouvoit quelque bastard la justice en soit
adyertie.
Que les pierres ou baptistaire soit auprès de
la cbaire, affin quil y ait meilleure audience a reciter
le mystère et lusaige du baptesme. ')
Quon ne reçoive estrangers pour comperes que
gens fidelles et de nostre communion, veu que les
aultres ne sont capables de faire promesse a lesglise
dinstruyre les enfans comme jl appartient.
De la cène.
Puys que la cène a este jnstituee de nostre
seigneur pour nous estre en usage plus frequent,
et aussi quil a ainsi este observe en lesglise ancienne
jucques a ce que le dyable a tout renverse,
érigeant la messe au lieu dicelle, cest ung deffault
quon doibt corriger, que de la célébrer tant peu
souvent. 2 ) e)
Parquoy sera bon que tousiours unesfois le
moys elle soit administrée en la ville, tellement
que tous les troys moys elle revienne en chascune
paroysse, Oultre que trois foys lan on la face par
tout assavoir a pasques, penthecoste et noel,. en
telle sorte neantmoins que ce moys la elle ne soit
répétée en la paroysse laquelle lors seroit en son jour.
1) Cet article est rayé. L'autre main y avait ajouté ces
mots: Que les pierres ou baptistaire quelle doybjent demeurer
ainsy quelle sont mises, mais Us furent aussi biffés.
2) Toutesfoys pour au present y avons advise et ordonne
que elle soyt administrée quatre foys l'année assavoyre a noel,
pasques, penthecoste et le premier dymenche de septembre en
aultnone. Addition de l'autre main pour remplacer l'article
suivant qui est effacé.
3) sic.
4) Le texte portait originairement aussi, Calvin le remplaça
de sa propre main par: ainsi.
5) La fin de cet article a été biffée et remplacée par cette
rédaction de l'autre main: cella demore a la seigneurie; ce
neantmoyns advons advise de dresser ung consistoire pour
aoyr les parties, auquel seraz conioint quelquun des ministres
comment conseiller. Et adviserons leur dresser ordonnances
lesquelles doybjent suyvre doresnavant.
Que les ministres distribuent le pain en bon
ordre et avec reverence, et que nul aultrè ne donne
le calyce sinon les comys ou diacres avec les ministres,
et pour ceste cause quil ny ait point multitude
de vaisseaulx.
Que les tables soient près de la chaire, affin que
le mystère s ) se puysse mieulxf) commodément exposer
près des tables.
Quelle ne soit célébrée que[n] lesglise jucques
a meilleure opportunité.
Que le dymanche devant quon la célèbre quon
en face la dénonciation, affin que nul enfant ny
vienne devant que avoir fait profession g) de sa foy
selon quil sera expose au cathechisme, et aussi quon
exhorte tous estrangers et nouveaulx venuz de se
venir premier représenter a lesglise, affin destre jnstruitz
silz en avoient mestier, et ainsi 4 ) que nul
nen approche a sa condemnation.
Du mariage.
Que après la dénonce des bans acoustumee on
face les espousailles quant les parties le requerront,
tant le dymanche que les jours ouvriers, moyennant
que se soit au commencement du presche, seulement
jl sera bon que le jour quon aura célèbre la cène
on sen abstienne pour Ihonneur du sacrement.
Jl sera bon dintroduyre les chantz ecclésiastiques
pour mieulx jnciter le peuple a pryer et louer
dieu.
Pour le commencement on apprendra les petiz
enfans, puys avec le temps toutte lesglise pourra
suyvre.
Touchant les differences en causes matrimoniales,
pource que ce nest pas matière spirituelle mais
meslee avec la politique, nous 5 )h) remettons cela a
messieurs, les pryans neantmoins de vouloir sans
plus delayer dresser vng consistoire pour en juger,
auquel si bon leur semble jlz pourront conioindre
quelques vngs des ministres comme conseilliers : sur
tout quil leur plaise députer gens pour faire ordonnances
lesquelles on suyve doresnavant.
a) sil advient.
b) il fauldra que la seigneurie commette quelcungs de ses
officiers, et ainsi avons ordonne.
c) qui vouldront résister.
d) Le texte définitif ajoute en sous-titre: Du baptesme.
e) Le même texte adopte l'addition: Toutesfois pourapresent
avons advise et ordonne quelle soit administrée quatre
fois lannee etc.
f) myeulx et plus commodément.
g) la profession.
h) Le texte du Beg. d. I. V. C. adopte l'addition ainsi
rédigée: cela demeurera a la seigneurie. Ce neantmoings avons
advise de laisser au consistoire la charge douyr les parties,
affin den rapporter leur advis au conseil. Pour assoir iugement
bonnes ordonnances soient dressées lesquelles on suyve
doresnavant.